Ena NicDhòmhnaill 1

'S ann an Caolas Phaibil a tha Uilleam Dòmhnallach a' stad an-diugh agus e ann an còmhradh ri Ena NicDhòmhnaill a rugadh sa thogadh a sin. 'S e àite fradharcach dha-rìreabh sa bheil i a' fuireach agus tha i a' toirt dhuinn dealbh air na chì i timcheall oirre. Tha iad a' toirt sgrìob air iomadach cuspair - crìonadh a' chladaich, maorach, obair na talmhainn, obair na mònach agus a' dèanamh mharagan agus eile.

Tha an talamh a' ciallachadh tòrr dhi, agus bha sin a' cheart cho fìor dha h-athair, agus tha sgeulachd uabhasach snog aice air mar a bhiodh i fhèin agus e fhèin a' treabhadh le na h-eich còmhla. Bheir iad an uair sin iomradh air geòidh agus air crodh Gaidhealach - agus chan eil ceist cò as measail air a bheil Ena!