Dà Phunnd, Dà Unns'

Na dh'fheumas sibh:

• Pacaid de bhroilleach circe
• Pacaid de bhalgan-buachair
• 2 uinnean (mhòr)
• Cularan
• Sabhs no sùgh soya
• ola chroinn-ola
• Peppers - uaine, dearg is buidhe
• Creamh
• Luibhean measgaichte
• Bàrr no uachdar

Dòigh Deasachaidh:

Cuir an ola dhan phana (wok - as fheàrr) agus cuir ann sùgh soya, deagh steall dheth

Geàrr na pìosan circe. Teasaich an ola 's an sùgh agus cuir ann a' chearc agus glas a-staigh am blas - cuir sìos an teas agus fàg e a' còcaireachd

Geàrr na peppers, cleachd air fad iad

Geàrr na h-uinneanean agus na balgan-buachair - cuir air fad dhan phana a h-uile sìon sin…….

Cuir tuilleadh sùgh soya ann - na cuir salainn ann idir

Geàrr an cularan ann am pìosan beaga

Faigh creamh cuideachd agus cuir ann deagh phìos dheth

An uairsin cuir ann luibhean measgaichte

Agus mu dheireadh bàrr no uachdar - fear dùbailte le nas lugha de gheir ann

Còcairich seo air fad gus am fàs an sùgh tiugh agus sin e deiseil

Faodaidh tu ithe còmhla ri rus, buntàta no fiù aran.