Beul-aithris Eilean Ratharsair
An Dr Iain MacAonghais le cuid de dh'eachdraidh is beul-aithris Eilean Ratharsair. Dr John MacInnes shares some of the history and folklore of Raasay where he grew up.
B' e an Dr Iain MacAonghais fear de phrìomh sgoilearan Gàidhlig agus eòlaichean air beul-aithris na h-Alba.
Rugadh e ann an Sgìr' Ùig an Leòdhas ann an 1930 ach chuir e seachad a' chuid bu mhotha de dh'òige ann an Ratharsair, agus ghabh e ùidh ann an òrain, dualchas agus beul-aithris nan Gàidheal aig aois gu math òg. Thàinig e a dh' obair aig Sgoil Eòlais na h-Alba aig Oilthigh Dhùn Èidinn ann an 1958 far an robh e gus an do leig e seachad a dhreuchd ann an 1993.
Anns an t-sreath phrògraman seo, a chaidh a chraoladh an toiseach ann a 2008, tha Iain a' toirt sùil air ais air a bheatha agus gu seachd àraid air na bliadhnachan a chuir e seachad a' siubhal air feadh Alba a' trusadh beul-aithris airson Sgoil Eòlais na h-Alba. Tha e ag innse dhuinn mu na sgìrean air an do thadhail e agus cuid de na daoine a chlàr e agus na dh' ionnsaich e bhuapa.
Anns an dàrna prògram dhen t-sreath tha Iain a' toirt dhuinn beagan de dh'eachdraidh agus beul-aithris Eilean Ratharsair agus Clann Mhic Ghille Chaluim aig an robh e.
Chaochail Iain MacAonghais anns a' Chèitean.
Last on
More episodes
Broadcasts
- Wed 7 Aug 201313:30BBC Radio nan Gàidheal
- Wed 7 Aug 201322:00BBC Radio nan Gàidheal
- Sun 11 Aug 201310:30BBC Radio nan Gàidheal
- Tue 30 Jul 201912:00BBC Radio nan Gàidheal
- Tue 30 Jul 201922:00BBC Radio nan Gàidheal
- Sun 4 Aug 201910:03BBC Radio nan Gàidheal
