Biden inauguration: Joe Biden to reverse Trump Travel ban, other policies after inauguration on Wednesday
Wia dis foto come from, AFP/ Getty
Joe Biden go sign up to a dozen executive orders on im first day as US president.
Biden team bin reveal details of a series of executive orders wey di US President-elect go quickly sign hours afta e don take office.
Dem reveal say part of di tins wey ẹ go do na to reverse some of di policies wey Donald Trump signed as president of di United States.
3 Tins Wey Biden Go do Immediately Afta Inauguration
- First of all, Biden go make sure US join di Paris Climate agreement again - dis be a global pact on cutting carbon emissions.
- Biden go reverse di controversial travel ban on a list of mostly Muslim-majority countries.
- E go make am mandatory for pipo to wear masks on federal property and wen dem dey travel interstate to cut Covid-19 infections.
Although, Biden like Trump go fit use executive orders to bypass Congress on some issue, di $1.9tn (£1.4tn) coronavirus relief plan wey e announce early dis week go need Congress approval.
E go also need di lawmakers to approve di path to citizenship for millions of migrants wey no get documents.
