Court sentence Port Harcourt serial killer Gracious David-West to death by hanging
Wia dis foto come from, Other
Court for Port Harcourt, Rivers state Nigeria don declare Gracious David-West guilty of murdering some women inside hotel rooms and sentence am to death by hanging
David-West bin dey face nine count charge for di murder of nine women and one count charge of attempted murder.
Trial Judge for di case Justice Adolphus Enebeli say 40 year old Gracious David West dey guilty of di murder of Maureen Ewuru, Jennifer Nwokocha, Blessing Effiong Linda Warifa Samuel, Dorcas Francis, Kelechi Bridget Onuoha Rose Samuel Anthonia Ibe and the attempted murder of Benita Etim.
Di judge also throway di case against Nimi Thankgod and discharge and acquit her say she disrespect deadibody.
Di trial of di suspects for di Port Harcourt hotel serial killings bin start since October 2019 afta police arrest Gracious David-West on 19 September, 2019.
During di trial and even up till di judgement day, nobody turn up for court for Gracious David-West and di victims.
Nobody also turn up for morgue to claim di dead body of di women.
D mata of di serial killing bin shake Nigeria, women for Port Harcourt even come out to protest den.
End of Di one wey oda users dey read well well
For im testimony, Sgt. Ogbemudia Emegbokuro wey be one of di detectives for SARS wey investigate di matter say di suspect David West by imsef bin carry dem go all di hotels wia im allegedly kill di girls and carry dem go identify di each of di rooms for di hotels dem wia e happen.
