Omoyele Sowore: Drama inside court as DSS re-arrest Publisher of Sahara Reporters
Wia dis foto come from, Sahara Reporters
Nigeria secret police DSS re-arrest di Publisher of Sahara Reporters Omoyele from inside court compound on Friday.
Na just Thursday night di Department of State Service release Sowore afta 124 days since im first arrest.
Tori be say Justice Ijeoma Ojuku don adjourn Omoyele Sowore case on Friday morning wen drama start for court.
At first, lawyers and journalist bin try to resist Sowore re-arrest wen security men enta di court to gbab am, according to im lawyer Femi Falana.
Di next date for di case go be February 11, 2020.
BBC Pidgin find out say di Department of State Service gbab am to file fresh charges.
Content is not available
View content on FacebookDe external site no concern BBC.End of Facebook post, 1
Content is not available
View content on FacebookDe external site no concern BBC.End of Facebook post, 2
Na since September 24, 2019 na im court don grant Sowore bail and im lawyer Femi Falana say dem don fulfil im bail conditions but DSS no gree release am until Thursday 5 December, 2019.
See how di struggle don waka inside dis tori dem:
- On Monday Sowore Lawyer Femi Falana tell BBC Pidgin say Buhari dey opress Press Freedom - Sowore detention case na example
- Just last week, Sowore lawyer say dem go cari DSS go court
- For September Nigeria goment knack Sowore with treason charges
- Court later grant Sowore bail on September 24, come order DSS to release am
- Na for August afta #RevolutionNow: protest Femi Falana cari di mata for head
- For August Nigeria Police tag di Sowore Revolution protest as treasonable offence
Content is not available
View content on FacebookDe external site no concern BBC.End of Facebook post, 3
