Ayodele Fayose get moto accident for Third Mainland Bridge

Governor Ayo Fayose claim say dem throw tear gas for im eyes.

Wia dis foto come from, Twitter/@OfficialPDPNig

Wetin we call dis foto, Governor Ayo Fayose for July 2018 wen e claim say police throw tear gas for im eyes.
Read am in 1 mins

Immediate past govnor of Ekiti state for south west Nigeria Ayodele Fayose dey receive medical treatment afta im get moto accident on Wednesday inside Lagos, south west Nigeria.

Fayose moto accident happun ontop Third Mainland Bridge in Lagos around One O'clock in di afternoon, according to im tok tok pesin, Lere Olayinka.

Dis accident happun just four weeks afta Federal High Court for Lagos give di former govnor bail ontop case wey Nigeria corruption police cari go court against di am

Skip X post
Allow X content?

Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

Warning: Third party content may contain adverts

End of X post

Na di Economic and Financial Crimes Commission (EFCC) carri oga Fayose go court on top accuse say e use kurukere hand collect illegal $5million from former defence minister, Musiliu Obanikoro, wey im use for Ekiti election in 2014 and ten more charge dem.

BBC News Pidgin eye still dey dis tori wey just land and we go bring una more as e dey comot. Make una load di page again to see di full tori.