Croatia President: Why pipo dey confuse Kolinda Grabar-Kitarović wit fashion model?
Wia dis foto come from, Getty Images
Croatia President Kolinda Grabar-Kitarović scatter internet since last week wen video show as she dey celebrate wit half-naked Croatian footballers afta dem bin don nack Russia for World Cup.
Di way Kolinda join hand wit di strong players dey dance don make plenti pipo for social media dey dream to travel to di central European kontri so dem fit continue to dey see her.
But wetin dey very surprising be say, pipo dey always mistake di 50 year old leader wit one endowed fashion model.
Wia dis foto come from, AFP/Getty Images
Plenti pipo tongue fall comot for dia mouth wen one photo drop for social media wey show Kolinda dey jolli for beach wit only bikin for 2015.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Those wey shine eyes well well go see say no be Kolinda dey inside di photo but na American model Coco Austin, wey popular sake of her full bodi and marriage to actor and rapper Ice-T.
Dem snap di photo of Coco wen she bin dey holiday wit her husband for Miami for 2009.
Wia dis foto come from, Getty Images
Just afta Kolinda win di Croatia presidential election for 2015, Di Informer newspaper for Serbia cari fake tori say na Kolinda dey inside di photo and she dey act blue feem.
Many websites for Croatia confam say na mistake but e no stop Di Informer to continue to dey cari di fake tori.
End of Di one wey oda users dey read well well
Kolinda, wey dey speak eight languages wey include Portugese and Italian popular well well for her kontri.
