France 1 - 0 Belgium: Les Bleus dey go Russia 2018 finals

Na 74 times di two kontris don play against each oda, Belgium win 30 times, France win 24 times dem come play 19 draw.

Wia dis foto come from, Daniel Semeniworima

Wetin we call dis foto, Na 74 times di two kontris don play against each oda, Belgium win 30 times, France win 24 times dem come play 19 draw.

France beat Belgium 1 - 0 for di first semi finals of di 2018 world cup.

Dem dey go play finals on Sunday and di winner between England and Croatia wey go happun on Wednesday na im dem go wait for.

Na only 3 times dem don meet for major tournaments, two for World Cup and na France win di three times.

Hazard and Pogba

Wia dis foto come from, Getty Images

Wetin we call dis foto, Eden Hazard and Paul Pogba na di main stars to watch for today match

Na only once Belgium don reach World Cup semi final and dat one na for 1986 wen den loose to Argentina, but France don enta semi finals six times and dem win two, draw one and loose three.

For di 2018 World Cup Belgium don win all dia matches while France draw one win odas.

France win World Cup for 1998 wen dem host am, but Belgium neva smell am before.