Trump Kim summit: Wetin America, North Korea want from each kontri?
Wia dis foto come from, EPA
America Presido Donald Trump land for Singapore on Sunday to attend di ogbonge meeting wit North Korean leader Kim Jong Un wey dem go use tok about di future of Pyongyang nuclear weapon.
Presido Trump fly enta Singapore Paya Lebar Air Base wit Air Force One Sunday afternoon, wit di hope to lay di groundwork for nuclear deal wit one of America most bitter long-time enemy.
North Korean leader Kim Jong-un first land for Singapore for im meeting with Donald Trump.
Wetin each kontri want?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
US want make North Korea stop dia nuclear weapon patapata wey be say everibod fit see am korokoro. Defence Secretary Jim Mattis say na only wen dem begin do am dem go get "mercy" from all di UN punishment wey dey dia head.
But dis no mean say US dey expect final deal for Singapore. President Trump describe am as "time-to-know-you situation" and say: "E go be process."
Sabi pipo say as Kim don already get meeting wit di most powerful leader for di world, im don already win. Dem dey also ask why im go stop im nuclear weapons afta im don try well-well to get dem.
Wia dis foto come from, Getty Images
Some pipo say im no go ever do am, unless everibodi wey dey for di Korean peninsula stop dia own too - including US.
