Yusuf Buhari never die - Nigeria Presidency
Wia dis foto come from, Twitter/Yusuf Buhari
Di government of Nigeria don deny di rumour wey dey fly around say President Muhammadu Buhari pickin, Yusuf Buhari don die.
Na President Buhari Special Assistant ontop social media mata, Lauretta Onochie na im open mouth deny am.
Yusuf bin involve for one motor bike accident on 26 December 2017. Dem treat am first for CedaCrest Hospital for Abuja and government bin don come out say im dey do fine.
E don tey wey people hear about di mata only for rumour to start again say im don die.
On Wednesday night, Madam Onochie go ontop twitter to deny am.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Onochie say na shame and very evil thing for people to dey talk dat kain thing say Yusuf don die.
