Cameroon: "Manyu pipo make wuna kam back for village" - Defence Minister

Cameroon Defence Minister don assure say Manyu Division don be secured.

Joseph Beti Assomo, Defence Minister, visit Manyu division and e say de area don deh secured, and say make de pipo kam back for house.

Colonel Badjeck Didier in charge of communication for di Ministry of Defence confirm am to BBC Pidgin.

For seka shooting weh e bi deh between government forces and unknown gunmen, pipo for Manyu division don run from dia village dem, some go for side for Nigeria.

Some villager bi tell BBC Pidgin say dem don pack for leave too because deh shooting be deh too much.

Defence boss weh e go check how weh security deh for the area say e visit helep e see for which kind condition de army di work, and how village dem be secured even as some village deh empty.

Didier gree say na fear make some pipo dem make dem cross border for become refugee for de other side for Nigeria.

Na yi weh minister send message say make population kam back for dia village weh e don deh fine with security and dia farm and other activity dem.