You’re viewing a text-only version of this website that uses less data. View the main version of the website including all images and videos.
Houston Flood: Hurricane don spoil pipeline
Authorities dey fear say fuel scarcity fit hit America after Hurricane Harvey shut down pipelines wey dey supply di product. Sabi people dey fear say dis one fit make petrol scarce for major US cities, including as far as New York.
As Hurricane Harvey don enter Houston, Texas, dey move into the neighbouring State of Louisiana, Di American Automobile Association say prices of fuel done already dey go up based on say petrol don dey finish for refineries inside di East Coast.
This one dey happen even as explosions don happen for Texas for one chemical plant after di company wey own di chemical plant warn say that one fit happen.
Hurricane Harvey don kill more than 33 people and di thing strong sotay e don drive thousands of people comot from their house.
City officials don say di rescue and clean up matter fit take up to two weeks, and dem expect plenty rain to fall for three more days from Louisiana and Kentucky.
