Lionel Messi: Latest updates on Messi and predictions about where e fit end up

"As dis situation face us, Lionel Messi no go continue to get link wit FC Barcelona," dis na di statement wey break internet on Thursday night.

Di Spanish club Barcelona confirm di end of Lionel Messi contract wit di club.

Di club say dem end dia arrangement wit Messi sake of "financial and structural" reasons.

Di development don make Messi free and available to join 'any' club in di world without transfer fee.

Messi, one of di top players for football history bin express frustration for August last year say im wan leave Barcelona.

By June, 2021 di 34-year-old Argentine striker end im 21-year contract wit - by July 1 im become free agent.

But Barcelona for dia official statement say "despite say FC Barcelona and Lionel Messi bin reach agreement and delcare intention of both parties to sign new contract today, dis no fit happun because of financial and structural obstacles (Spanish La Liga regulations)."

Messi profile in Barcelona

Where Messi fit end up?

Na just one year ago wey Messi say im wan exercise a clause for im contract to leave on a free transfer, but Barca say anybody wey wan buy am go pay 700m euros (£624m).

Now restrictions no dey again.

For a long time now Messi don get link to reunite wit former Barca boss Pep Guardiola for Manchester City.

But as City sign Jack Grealish for a British record £100m, and get link wit a big-money move for Tottenham striker Harry Kane, Balague no think sey di Premier League champions "get di financial mussle to get Messi".

E tell BBC Radio 5 Live: "No be like to get pesin wey go collect money say, 50m euros. Whatever it is, you have go need to double di money. But you also have to pay a signing-on fee, data one fit be 50-60-70m. E dey like signing from anoda club almost.

"So from dat point of view I no think sey City get di finances now, and we all suspect sey e fit be Paris St-Germain next."

French football expert Julien Laurens add: "I still think Barca dey show dem set. From a PSG point of view and wet in dem don tok over di last year na sey if Messi become available, and im dey interested, den dey believe dem enough for bank and resources to make di deal happen.

"Di outcome fit be say e fit still stay, but dem go need to meet Messi family sey dem hope for something if e wan join PSG."

Barcelona President give more update about Messi

Spanish football giant Barcelona say dem no fit afford continue to keep dia star player Lionel Messi.

Barcelona president Juan Laporte say player salary go exceed total income of di club if im stay.

Larporte give di explanation afta di dramatic announcement say Messi dey comot for di club.

Im tok say di two-year deal wey dem bin agree wit Messi go break Spanish League financial fair play rules.

Oga Laporte add say La Liga bin reject offer to finance im salary over five years.

Dem ask am if di club fit reverse Messi departure, im Juan Laporte tok say said im no wan raise false hopes.

Football lovers want make Messi come dia clubs

Where Lionel Messi go go next don become hot topic.

Dis na as many football lovers dey hope for Messi to come play for dia favourite Leagues.

Di ex Barca player don become di most in-demand player for world football.

Arsenal, Chelsea, Man City, Liverpool and PSG na some of di clubs wey don get di highest number of mentions since di tori break.