Nigeria vs Cameroon friendly match: Time, how to watch, venue plus more

2 June 2021

New Informate 4 June 2021

Read am in 1 mins

Nigeria Super Eagles don land for Vienna, Austria to play friendly match.

Nigerian senior national football team go take on di Indomitable Lions of Cameroon, on Friday.

Di friendly game na to help Gernot Rohr men to stay in top shape ahead of September World Cup qualification games.

Super Eagles go jam Liberia and Cape Verde for September World Cup qualifiers.

With dis friendly match, Indomitable Lions and Super Eagles go meet for dia third international game inside 2021

Di last two matches na qualifiers for di Africa Cup of Nations.

Toni Conceicao men no fit defeat Rohr team for dia last encounter during di 2019 Afcon Round of 16 encounter inside Alexandria.

Nigeria vs Cameroon friendly match time

Di international friendly kick off time na 20:30 (West African TIme) on Friday, June 4 wey be 8:30pm inside Lagos, Nigeria.

Di one wey oda users dey read well well

End of Di one wey oda users dey read well well

Cable channel Super sports go broadcast di match live for Channel 204 So you fit watch am dia.

Dis match go shelle for Wiener Neustadt Stadium, Vienna