Burundi vs Nigeria: Ighalo score as newcomers nearly do Super Eagles strong thing
Wia dis foto come from, Charlotte Wilson/Offside
Striker Odion Ighalo enta from bench to score Nigeria only goal as dem win Burundi 1-0 for di African Cup of Nations for Egypt.
Di match bin dey look like say e go end for 0-0 draw, afta di Super Eagles miss some chances for first half, and Burundi just pack defence full, for second half.
But Ighalo wey enta for Onuachu, score for 78 minutes wen im receive back heel pass from left back Ola Aina.
President Muhammadu Buhari bin promise di boys say im go watch di game, and im do wetin e tok.
Wia dis foto come from, Twitter
Di win don carri Nigeria go top of di group, wey also get Madagascar and Guinea wey go play later on Saturday.
