Mohamed Salah na di fastest Liverpool player to score 50 goals

Mohamed Salah

Wia dis foto come from, PA

Wetin we call dis foto, Mohamed Salah don score 18 goals now for Premier League dis season

African footballer of di year Mohammed Salah goal against Southampton for Premier League don break record.

Salah run from im own half to score wit 10 minutes to go as Liverpool come from behind to win 3-1 for Saint Mary stadium.

Liverpool manager Jurgen Klopp say di goal na "wow" moment, and say Mohamed Salah dey "special".

Di goal na di Egypt player 50th strike for Liverpool for Premier League, na im be di quickest Anfield player to score dat number of goals for di club. Di pesin wey be hold di record before na Fernando Torres.

Liverpool win against Southampton mean say dem dey sitdon ontop di league with 82 point two ahead defending champions Manchester City wit six matches wey remain.

Wia Salah dey among di best

Players quickest to reach 50 goals for one club graphic: Mohamed Salah (66 games, Liverpool), Alan Shearer (66 games, Blackburn), Ruud van Nistelrooy (68 games, Man Utd), Fernando Torres (72 games, Liverpool), Sergio Aguero (81 games, Man City), Carlos Tevez (82 games, Man City), Thierry Henry (83 games, Arsenal), Kevin Phillips (

Wia dis foto come from, BBC Sport

Wetin we call dis foto, Mohamed Salah don match Alan Shearer record wey im set wen im dey play for Blackburn Rovers