Bicycle riders from Burkina Faso, Ivory Coast, Rwanda get accident for Chantal Biya race
Wia dis foto come from, Jean Baptiste Biaye
Bus weh e transport riders from Burkina Faso, Ivory Coast, Rwanda for Chantal Biya race make accident for about around Memiam, Zoetele -Ngolbang, 15 riders and two officials wound.
Ambulance for de race take de 17 pipo go hospital for Mbalmayo and afta scan deh no get serious injury.
Riders from Burkina and Rwanda don komot for hospital from Mbalmayo kam back for Yaoundé for beta check but Ivory Coast decide for continue de race.
Na Damien Tekou weh na race commissioner di dey for hospital and dey di check e condition.
No bi de first taim weh riders di get accident for race for Cameroon, last year for Cameroon cycling tour some riders get accident for Tonga for west region.
Wia dis foto come from, Jean Baptiste Biaye
De number 18 edition for Chantal Bya Cycling Tour start from September 26 and e go end for September 30, de accident happen na for number four stage.
Race officials don cancel dis lap, but de yellow jersey dey na for Slovakia rider, Bellen Juraj as e don run total of 9h27' and e remain Sangmelima -Yaounde 170km for e for run 699km.
