Mo Salah: 400,000 pipo don sign petition make dem punish Sergio Ramos for di striker injury
Wia dis foto come from, Getty Images
More dan 400,000 people don sign petition say make FIFA punish Sergio Ramos say im "intentionally hurt" Mo Salah.
Liverpool striker Salah cari injury comot for di first half of di Champions League final afta Ramos bring am down.
Di organisers of change.org petition dey claim say di defender "know wetin im dey do wen im cari di striker hand put under im armpit, wey make am dislocate im shoulder".
Wia dis foto come from, Getty Images
Thousands of pipo don sign di petition to support di claim, as dem want make UEFA and FIFA punish Ramos.
Dis one na afta one lawyer for Egypt Bassem Wahba don file €1bn (£873m) lawsuit against Ramos, say di injury fit make Salah no represent im kontri for di 2018 World Cup.
Wahba say im don file di complaint give FIFA wia im dey claim say Ramos don cause "physical and psychological harm" to Salah.
Di 25 year old been tweet on Sunday say im dey confident say im go play for World Cup.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
