Atletico Madrid 1-0 Arsenal (agg 2-1)
Wia dis foto come from, Reuters
Arsene Wenger no go fit win anything with Arsenal again afta Atletico Madrid beat dem 1-0 for house to win di match 2-1.
Di first leg finish 1-1, former Chelsea striker Diego Costa return to Atletico team to punish Gunners na im goal before half-time na im end dia European hopes.
Antoine Griezmann fine pass find Costa afta im close with strong shot from tight angle.
Wia dis foto come from, Getty Images
Arsenal been get chance of dia own to score for di game but dem no score.
Two-time champions Atletico go play Marseille for dia third Europa League final for eight years for Lyon on 16 May.
Arsenal defeat mean say dem no go play for Champions League next season.
Wenger, go leave di Gunners for di end of di season without any European title, afta 22 years for di club.
