Super Eagles off to Afcon semi-finals as dem beat Angola 1-0 for dia quarter-final clash

Ademola Lookman first half strike help Nigeria defeat Angola 1-0 and seal dia qualification to di semi-finals of di 2023 Africa Cup of Nations.

Di winger left footed strike from a Moses Simon cut back on 41 minutes prove to be di only goal of di game and a crucial one at dat.

Angola come into di game as di team wey don score di most goals of di competition - nine - but dem find Nigeria defence too difficult to break down.

Antonio Salvador nearly give di Palancas Negras di equaliser for di second half wen im beat Nigeria offside trap before im shot hit di post.

On 75 minutes, Nigeria star striker Victor Osimhen bin tink say im don increase di Super Eagles lead. Im header from a set piece proof too strong for di Angolan goalkeeper wey parry di ball into di net.

But afta Video Assistant Referee (VAR) check, di goal no stand and Nigeria continue to find anoda to kill di game.

Dat second goal no come in di end but Nigeria bin don do enough to deny di Angolans any sight of goal and march on to di semi-finals.

Nigeria go meet di winner of di game between Cape Verde and South Africa.

Second Half

Full time Nigeria 1-0 Angola

90+8' Referee don blow whistle, match don end.

90+ 5' Kenneth Omeruo don enta for Ademola Lookman

90+5' Substitution for Nigeria. Victor Osimhen don play finish, Paul Onuachu don enta.

90' Referee add 7 minutes

89' Zito Luvumbo of Angola dey beta position. Im run towards di goal and con fire shot from outside di penalty area towards di middle of di goal, but goalkeeper Nwabali of Nigeria save am.

88' Substitution for Nigeria. Joe Aribo don replace Frank Onyeka.

86' Substitution for Angola. Gelson Dala time for pitch don end na Milson enta for am.

83' Nigeria get corner kick, but defender clear di ball.

80' Substitution for Nigeria. Alex Iwobi don comot while Alhassan Yusuf replace am.

79' Substitution for Angola. Eddie Afonso don comot and Jeremie Bela ent for am.

Nigeria 1-0 Angola

77' Celebrations are cut short for Nigeria as referee say NO GOAL afta di VAR review show say na offside!

75' Victor Osimhen of Nigeria celebrates beta goal. Im manage to get beta space inside di box to meet di free kick, e perfectly put di header inside di right post.

74' Gelson Dala of Angola can't expect anything else dan yellow card for im hard tackle.

72' Mabululu of Angola attempt to discuss di decision wit Issa Sy, ref give ma yellow card.

72' A yellow card for Kialonda Gaspar of Angola afta e tackle im opponent badly.

70' Show of Angola fire one shot from far, e fire di ball high and wide. Di ball go off di pitch. Goal kick for Nigeria.

67' Frank Onyeka of Nigeriaplay one beta cross, but di defence clears di danger.

66' Zito Luvumbo don replace Gilberto too

66' Substitution for Angola. Fredy don comot Bruno Paz replace am.

64' Zaidu of Nigeria play di free kick, e send am towards di right post only for Signori Antonio to save am.

63' Nigeria get free kick from a dangerous position afta Show of Angola bring im opponent down.

62' Beta run from Moses Simon of Nigeria enta inside di box, but defender block im shot.

62' Victor Osimhen of Nigeria do im best to latch onto one cross inside di box, but im no fit get to di ball.

60' Fredy of Angola play di corner but notin come out.

59' Beta pass land for Zini of Angola leg as e clear am inside di box wey lead to corner kick.

59' Calvin Bassey of Nigeria jump im highest for di box, e head di ball over di crossbar.

58' Chance for Zaidu of Nigeria to deliver di ball into di box from di corner kick

57' Jonathan Buatu of Angola no collect any punishment from di referee afta e use too much force foul im opponent. Free kick near di sideline for Nigeria.

55' Calvin Bassey collect yellow card sake of rough play.

54' Zaidu of Nigeria carry ball run dey go front but an opposing player clear di ball away.

51' Victor Osimhen of Nigeria don dey okay to continue

50' Victor Osimhen of Nigeria don get knock and di physio come on to treat am as Refertee stop di game.

50' Alex Iwobi of Nigeria hit di rebound but di ball fly go di left post.

47' Nigeria play one short corner kick.

46' Substitution for Angola during di half-time break. Zini don enta for Estrela.

46' Second half don start

First Half

HT: Nigeria 1-0 Angola

45 mins - We don enter into three minutes of added time, Nigeria still dey lead.

43 mins - Angola try to find di equaliser through a cornerkick, Osimhen head di cross clear.

41 mins - Goal for Nigeria! Moses Simon steal di ball from a loose pass, e come feed Lookman wey waya shot into di net to give Nigeria di lead.

Nigeria 1-0 Angola

40 mins - Sanusi go down afta foul by Angolan midfielder.

37' Fredy of Angola carry di ball go.

36' See strong header from Victor Osimhen of Nigeria from inside di box but di ball go di wrong direction, yards wide off di left post.

33' Angola still get ball possession wit some short passes, dem dey wait for di moment to hit Nigeria.

28' Fredy of Angola try to find one of im teammates wit ball from free kick outside di box. Di goalkeeper jump high above all di players for di box to stop di cross.

28' Fredy of Angola try to find one of im teammates wit ball from free kick outside di box. Di goalkeeper jump high above all di players for di box to stop di cross.

27' Gelson Dala of Angola play one long ball, but e no get enough power to reach im teammates and Angola defenders collect di ball.

24' Victor Osimhen of Nigeria attempt to convert one cross into goal, but Goalkeeper Signori Antonio save di header from near di penalty spot towards di right post.

22' Ademola Lookman of Nigeria play one thru ball but e overhits am. Di ball go out of play and Angola get goal kick.

15' A fine move and cross land for Victor Osimhen of Nigeria head for di centre of di box. Good attempt but e go over di bar.

13' Ademola Lookman of Nigeria cross ball into di box from di free kick, but di defender collect di ball.

12' Issa Sy blow whistle, Gelson Dala of Angola get warning for foul. Nigeria get free kick.

10' One of di Angola players tackled im Nigeria opponent wey result to foul.

8' Di corner wey Ademola Lookman of Nigeria play Angola defence clear am.

7' One beat cross into di box nearly meet Victor Osimhen of Nigeria, but one of di defending players cut am to clear di threat. Di ball don go out of play. Nigeria win corner kick.

6 mins - Di ball goes out of play. Angola get corner kick but notin come out.

5 mins - Mabululu of Angola meet di corner kick and e shoot di ball. Di goalkeeper save di ball we go into di middle Corner kick for Angola.

4 mins - One beta cross from Mabululu of Angola no dey successful as Nigeria defence quickly clears di ball out of di penalty area. Di ball go out of play. Angola get corner kick.

3 mins - Angola players dey exchange short passes wit one anoda, dem dey wait for di right moment to beat di Nigeria. defence

2 mins - Nigeria bin go for early goal and dem trouble di Angolan defence but defenderes block di attempt.

1 min - Referee Issa Sy don blow whistle and match don start.

Nigeria vs Angola Line up

Nigeria starting 11: Stanley Nwabali, Temitayo Olaoluwa, Zaidu Sanusi, William Ekong, Ajayi Adesewo, Ogochukwu Onyeka, Victor Osimhen, Moses Simon, Alexander Iwobi, Ademola Lookman, Calvin Ughelumba.

Angola starting 11: Signori Dominique, Buatu Jonathan, Kialondar Gasper, Deivi Viera, Jacinto Dala, Corte Real Caneiro, Alfredo Ribeiro, Christovao Paciencia, Valdmeiro Lameira, Eddie Afonso, Manuel Cafumana