Eid el Fitr in photos - How Nigeria, rest of di world take mark end of Ramadan

Nigerians join di rest of di world to mark di Eid el Fitr on Sunday, di Islamic event wey mark di end of di Ramadan season.

Di Nigerian Supreme Council for Islamic Affairs (NSCIA) under di leadership of dia President-General and Sultan of Sokoto, Alhaji Muhammad Sa'ad Abubakar III, declare Sunday as di first of Shawwal and Eid day.

To celebrate di Eid Sultan of Sokoto, Alhaji Muhammadu Sa'ad Abubakar, advise Nigerians make dem no insult dia leaders.

Nigeria President Bola Tinubu on im part tell Muslims to kontinu wit di good deeds wey dem learn during di month of Ramadan.

Im tok dis one call afta im observe di Eid-El-Fitr prayers forn di National Eid ground Abuja on Sunday.

Oga Tinubu tell Nigerians make dem no go back to di past but to live a religious and charitable life and dey committed to good deeds.

Ontop im official social media handle, oga Tinubu pray say "As Ramadan dey end, may di blessings remain with us. May our sacrifices born renewal, and our dear nation find peace and progress.

Di Vice President Kashim Shettima, Deputy Senate President, Barau Jibrin, National Security Adviser, Nuhu Ribadu, and some members of di Federal Executive Council and lawmakers join am do prayers for di National Mosque.

Muslims around di world dey celebrate Eid-El-Fitr, wey mark di end of di holy month of Ramdan.

Eid-El-Fitr, wey mean di festival of breaking di fast, na time to thank Allah, do plenti good tins ey go bring peace.

Fotos from Eid-El -Fitr celebrations