Video show Iran missile attack on Israel
Video show di launching of missiles by Iran, towards Israel.
Iranian state television carry statement wey confam say dem fire "dozens" of missiles.
Israeli home front command send text messages to pipo for some areas for Israel, containing "life-saving instructions" directing dem to go protected areas.
Israel Iron Dome stop some of di incoming missiles.
Israel Prime Minister Benjamin Netanyahu say Iran go "pay", after Iran fire around 180 missiles at Israel on Tuesday.
Most of di missiles dey stopped - one Palestinian die for di West Bank, and one school for central Israel and restaurant for Tel Aviv dey hit.
Iran say di attacks na in response to Israel "aggressive acts", including di killing of Hezbollah leader Hassan Nasrallah.
Israel say dem dey send "additional forces" to dia ground operation inside Lebanon, wey begin earlier dis week, and dem don tell more villages to evacuate.
Hezbollah say e stop one Israeli ground attack in Lebanon on Wednesday, and dem don continue to fire rockets give Israel.
Wetin don happun 24 hours afta Iran attack?
On Tuesday, Israel launch one ground invasion of Lebanon: Di Israeli military say troops bin start "limited, localised and targeted raids against Hezbollah terror targets" for Lebanese border villages. Hezbollah claim early on Wednesday say dem successfully stop one Israeli infantry attack
Later on Tuesday, Iran prepare one missile attack on Israel: After receiving reports of "imminent" Iranian missile attack, IDF ask Israelis to go to "protected spaces if dem hear sirens"
Mass shooting for Tel Aviv: As Israel prepare for di Iranian strike, gunmen open fire on a street for Tel Aviv, killing at least seven and wounding several odas – police say di two attackers bin dey "neutralised"
Iran come launch a massive missile attack on Israel: Di Israeli military say dem stop most of di 180 rockets dem fire di kontri - one Palestinian man for di occupied West Bank die during di attacks, and one school for central Israel and restaurant for Tel Aviv dey hit
Netanyahu say Iran "go pay": Di Israeli prime minister say im kontri dey determined to retaliate, adding say Tehran "make big mistake tonight". Joe Biden talk again about US support for Israel, saying e dey "fully supportive" of Israel
Strikes on Beirut continue overnight: Di Israeli military issue several evacuation orders overnight, as e continue to target di capital southern suburbs of Dahieh, one Hezbollah stronghold.
