Transfer deadline day - Last minute move by players across Europe

Alexander Isak to Liverpool? Di transfer deadline for di summer window go end today as different clubs dey try complete major moves.

Di tori of Isak move to Liverpool na one of di biggest transfer saga of di summer as e set to move from Newcastle for a British record fee of £125m.

Liverpool dey responsible for di three most expensive signings of dis transfer window wit Isak costing British record £125m, Florian Wirtz wey cost initial £100m and Hugo Ekitike cost £69m bifor dia future fees.

Also, Tottenham Hotspur dey agree season-long loan deal to sign Paris St-Germain striker Randal Kolo Muani.

Wat time di transfer window go close?

Today Monday 1 September 2025, di transfer window go close and di deadline don witness last minute move from different clubs.

Di transfer window go close by 19:00 BST (7pm) for di Premier League, EFL, Bundesliga, Ligue 1 and Serie A - for Scotland and Spain di deadline na 23:00.

Transfer news bifor di deadline

Here na di top lines from di summer 2025 deadline day so far and some of di players wey dey go to which club:

Senne Lammens fit dey on di way to Manchester United as di club don agree deal of 21m euros (£18.1m) for di goalkeeper from Royal Antwerp.

Di deal go make Lammens join di club for five-year contract. and di player dey travel go Manchester, wia e go get medical bifor di deal dey completed.

Jadon Sancho

Aston Villa dey explore move on loan deal for Manchester United out-of-favour winger Jadon Sancho.

Di 25-year-old bin turned down a move to Italian side Roma earlier in the window while there had also been interest from Juventus.

Sancho spend di last 18 months on loan for Borussia Dortmund and Chelsea but none of di club make di deal permanent.

Yoane Wissa

Newcastle United don reopen tok to sign striker Yoane Wissa from Brentford and by dis afternoon, dem fit agree £55m deal for di 28-year-old player.

Di deal na initial £50m plus £5m for add-ons and di DR Congo international dey on im way to Newcastle to complete di formalities of di deal.

Gianluigi Donnarumma

Manchester City don advance for dia tok wit Paris St-Germain to sign Italy goalkeeper Gianluigi Donnarumma.

Nicolas Jackson

Chelsea striker Nicolas Jackson dey expected to join Bayern Munich. Di move include initial £13m loan wit option to buy for £56.2m.

Tolu Arokodare

Wolves don agree £24m deal for Genk striker Tolu Arokodare.

Di 24-year-old score 21 times last season, as his clud finish third for Belgium.

Aaron Ramsey

Aaron Ramsey fit comoto from Burnley and head to Leicester City on loan bifor di transfer window go close today.

Di 22-year-old don play only one game for di Clarets dis season afat e score for di Carabao Cup second round win ova Derby.

Meanwhile, e get som eoda transfers wey go still go on bifor di transfer window close today.

All of dis deals still dey on and na by night we sabi if di move dey complete or not.

Dis na afta dem sign di transfer sheet to complete dia move.

Wetin be transfer deal sheet?

Premier League clubs need to complete 'deal sheet' in order to complete transfer for di last two hours of transfer window.

Clubs dey sometimes leave dia transfer dealings to di veri last minute, and diafor gatz submit form to di Premier League to make sure say di transfer fit go ahead.

Di deal sheet allow club to confam say dem don reach agreement and also give demsef more time to submit di documentation wey remain.

Dem no fit use di deal sheet bifor 17:00 BST (5pm) and gatz need to dey filled bifor di transfer window close.

Once di deal sheet arrive wit di Premier League, di clubs get additional two hours, or until 21:00 BST (9pm) to submit all di required paperwork.

If all di necessary paperwork neva dey submitted afta di 21:00 BST (9pm) deadline don pass, di transfer no go kontinue.