Liverpool, Chelsea, City... Which teams fit afford Alexander Isak?

Alexander Isak wan explore im options wit a move away from Newcastle dis summer afta im miss dia pre-season tour of Asia.

Di club select a 30-man squad, but dem say di Sweden striker "miss out sake of minor thigh injury".

Tori be say some of Europe top clubs dey aware Isak say dey look to take di next step for im career.

One source tell BBC Sport say Liverpool still dey interested in di 25-year-old, despite signing Eintracht Frankfurt striker Hugo Ekitike for an initial fee £69m.

On Saturday Newcastle manager Eddie Howe say Isak go "absolutely" dey part of the squad for di games for Singapore and South Korea.

BBC Sport bin contact Newcastle for comment.

Isak score 27 goals in 42 appearances in all competitions for Newcastle last season.

Im bin no play for dia Saturday 4-0 defeat for Celtic for dia first of pre-season fixtures.

Newcastle don make clear several time say Isak no be sale and, speaking at di weekend, Howe say im dey "confident" say di player go dey di club at di start of di season.

"E dey difficult for me to give 100% clarity on any player," Howe tok afta the Celtic game.

"Alex dey happy for Newcastle. Im loves di players im dey plays wit, di staff, di team and I no get any issue wit am."

Newcastle £70m bid for Ekitike bin dey rejected, Dem also get interest for Brentford forward Yoane Wissa.

Meanwhile, Newcastle defender Lewis Hall, wey neva play since February sake of foot injury, dey part of di tour squad.

Newcastle go face Arsenal on Sunday for Singapore bifor dem go travel to South Korea to play one K-League All-Star team on 30 July and Tottenham on 3 August.

Injury claim dey 'ridiculous' - Shearer

Newcastle legend Alan Shearer say di tori of Isak injury wey di club dey claim say make am miss dia Asia tour dey "ridiculous".

Di former England striker, wey score a record 206 goals for di Tyneside club, believe say di club suppose dey open about di situation.

"E dey ridiculous wetin Newcastle put out dis morning to say im no make di trip becos of slight thigh injury," Shearer tok.

"If dem think say pipo no go see through dat... e dey disappointing.

"Dem for just tell us di truth straight away. I understand say na very difficult situation for dem, but na so tins be now.

"Eddie Howe need to use all im persuasive powers to do wetin if fit do to make am stay at least one more year. If dat happun den it is what it is.

"You need to get di best deal for di football club and if someone dey prepared to pay north of £150m, and if im really, really want to go, you no go go fit block im way."

Which teams fit afford Isak?

Newcastle dey maintain in dia stance on Isak throughout di summer as Howe looks to keep im squad intact as dem return to Champions League.

Di forward get three years left for im contract and di Magpies, wey dey owned by Saudi Arabia Public Investment Fund (PIF), dey a comfortable position wit profit and sustainability rules (PSR), e mean say dem no dey no dey under pressure to sell.

Most Premier League clubs no fit match Newcastle reported £130m valuation.

Tori be say Arsenal bin get interest on the player bifor and dem get di budget, but dem don turn dia attention to im fellow Swede Viktor Gyokeres and dem dey close to finalising a deal.

Manchester City get di funds to go afta Isak but e dey unlikely say dem go pursue a transfer was e be say Erling Haaland dey under contract until 2034.

Chelsea also add strikers Liam Delap and Joao Pedro to dia squad dis summer.

Premier League champions Liverpool don already spend more dan £250m dis summer, including Florian Wirtz for a potential British record fee of £116m.

Liverpool boost dia income dis year thanks to several key factors, wey dey led by di £175m dem receive as prize money for winning di Premier League.

Last season na also di club first full campaign wey dem play under di expanded Anfield Road End e mean say dem get a higher capacity.

From 1 August dem get a new kit deal wit Adidas, which some pipo dey report di value at £60m per season, more dan dia existing partnership wit Nike.

Those factors, combine wit comparatively low transfer spending for previous windows, mean say Liverpool find themselves well within di Premier League profit and sustainability rules (PSR) wey dey limit clubs to losses of £105m over three years.

Liverpool chief executive Billy Hogan say dia investment dis summer na as s result of long-term planning.

"E no just happun; na years in di making," im tell di Athletic.

"We also recognise, winning di English league title for di 20th time, say dis na one of di biggest clubs for di world. We wan make sure say we dey behave like one.

"to bring in massive global stars to come play for Anfield, filling out stadiums in Hong Kong and Japan, those na tins we expect and want to do."

Fans react to Isak omission

We ask fans for dia views afta di club leave Isak out of di squad. Checkout some of dia comments:

Gary: If dis tours na all about driving commercial revenue, surely you go take your star striker regardless of a minor injury?

Kevin: Concerning. I hope say na just precaution. E go dey really disappointing if im leave dis summer afta all di hard work last season to qualify for Champions League. Lack of transfers in areas and missing out on targets no dey make me to dey for di coming season either.

Martin: Until im come out and to say im want to leave, im dey injured. Full stop.

Richard: I hope I say I dey wrong but I no dey see Isak for Newcastle shirt next season. I feel say di club go sell, but di way transfers dey go so far, I dey worry say we no go fit recruit to di level we need.

Bob: A bi "thigh injury" na just excuse and im dey on im way out? To dey honest - di fans deserve it. If we go into di season with one striker wey no dey proven we no get chance.

Kevin F: Isak bin get thigh problems end of last season so dis no dey new. But if na true den dem suppose don sorted out by now. I just hope say e no pass more dan dat .

Mark: I feel say im no dey settled and we fit see am move to anoda club. If he do so, we desperately need oda players up front. I hope say I dey wrong.

Richard: Something no dey right. Wetin really need to happen hia na for Isak to come out and to say im dey stay and dat is dat, or we dey hear speculation every time. Or a bi na im agent dey ginger di situation to say: "Why stay? You fit earn mega bucks elsewhere."