Pictures from Jeff Bezos and Lauren Sanchez wedding for Venice

Lauren Sanchez, 55, wear one lace Dolce & Gabbana haute couture gown for her wedding to Amazon founder Jeff Bezos.

Camera capture her dey smile togeda wit Bezos, 61, after di ceremony, for one picture dem post on Instagram.

Reality stars, actors, royals and some ogbonge A-listers travel to Venice for di ogbonge wedding of Amazon founder Jeff Bezos and TV presenter Lauren Sanchez.

Oprah Winfrey, Orlando Bloom, Kylie Jenner and Ivanka Trump be some of di celebrities wey camera catch for boats and streets of di Italian city on Thursday and Friday.

Di ceremony dey expected to last three days, ending with one big party for di married couple and dia hundreds of guests on Saturday.

Di event bin attract protests from some groups for Venice, including locals wey fight over-tourism to climate change activists.

An estimated 200 pipo bin dey invited to Friday ceremony on di small island of San Giorgio, wia Matteo Bocelli - son of Italian tenor Andrea Bocelli - perform according to reports.

While di exact cost of di wedding no dey known, di estimates range from $20m (£14m) to more dan $50m.