Wetin be Kamala Harris stand on immigration, abortion, Israel-Gaza war, gun laws and odas

Vice-President Kamala Harris don dey ride high for polls and her rallies get ginger since she become di Democratic Party nominee for president. But beyond di good vibes, where she stand on di issues wey matter to Americans?

Although she never yet release a comprehensive platform, her time as California senator and prosecutor, her 2020 bid for di presidency and her role for White House give hints as to wia Ms Harris stand on a number of policy areas.

Over di years, some of her positions don shift and even pipo wey dey close to her acknowledge say she don sometimes struggle to define herself.

But as she accept di Democratic nomination for di party convention for Chicago, she make effort to tok her vision for America as e take different with her Republican opponent, Donald Trump.

Dis na wia she stand on 10 key issues.

Economy

As a senator, Ms Harris lead some progressive policies, including paid family leave, affordable housing and free tuition for low-and-middle income families.

As vice-president, she be Mr Biden partner in passing major economic legislation - wey dem regularly label "Bidenomics" - wey include major investments in infrastructure and green energy.

But with inflation and high interest rates as e continue to choke American wallets, polls show say di economy continue to be top on di mind of many voters.

Ms Harris don release her economic plan, including mortgage assistance for first-time homebuyers, tax credit for parents of newborns and bans on price gouging at di grocery store to help target inflation.

She tok for her convention acceptance speech say her plans go create "an opportunity economy wia everyone get a chance to compete and a chance to succeed".

Immigration

Ms Harris position on di border don change over time. For 2020, while campaigning for di Democratic presidential nomination, she be stand on fairly progressive positions - such as promising to close down immigration detention centres.

For 2021, Mr Biden ask Ms Harris as vice-president to oversee di diplomatic effort around immigration issues for di US southern border.

Many Republicans don tag her as a "border tsar", but she dem bin give her specific task to work with Central American countries to address di "root causes" of why pipo dey japa to di US.

As part of dat effort, she announce for 2023 say she don help raise about $3bn - largely from private companies - to invest in communities for di region, hoping to provide opportunities wey go make immigrating to di US less attractive.

Earlier dis year, she support di effort to pass one hardline bipartisan border security deal wey for include hundreds of millions of dollars for border wall construction.

But Trump help to kill di deal, as e accuse Biden border policies of causing "death, destruction, and katakata for every American community".

Ms Harris tok for her DNC acceptance speech say she go "bring back di bipartisan border security bill wey e (Trump) kill. And I go sign am into law".

Abortion

Ms Harris for long don support women's right to an abortion.

She play a key role for di Biden campaign effort to make abortion rights central to di 2024 election, and she don for long advocate for legislation wey go support reproductive rights nationwide.

Dat position neva change.

“Wen Congress pass a law to restore reproductive freedoms, as president of di United States, I go sign am into law,” she rally for tok for one of her 2024 campaign rally for Atlanta, Georgia.

She also press mouth ontop dat commitment again for her DNC acceptance speech.

Ms Harris na di first vice-president to visit an abortion clinic, and she go round di country after di US Supreme Court overturn Roe v Wade for 2022 to speak about di growing number of abortion bans for di US - she often frame di issue as one about personal freedom.

Powerful pro-choice advocacy groups, such as Emilys List and Reproductive Freedom for All, don officially endorse Ms Harris since she start her presidential run.

Nato and Ukraine aid

While much of her early career bin focuse on di state of California, since going to Washington as a senator for 2017, Ms Harris don become more involved on di global stage.

As senator, she travel Agofghanistan, Iraq, Jordan and Israel.

As vice-president, she don meet 150 world leaders and visit 21 countries.

She attend di Munich Security Conference for di past year, and she deliver remarks in support of western security alliance Nato wey denounce isolationism.

She don also promise to support Ukraine in its war against Russia “for as long as it takes”. Ms Harris represent di US in June for di “peace conference” wey Ukraine call for Switzerland where she assure again of Washington support.

She note for her DNC speech say she meet with President Volodymyr Zelensky five days before di Kremlin order di invasion of Ukraine to "warn am about Russia plan to invade". She say she come "help mobilise a global response".

In her speech she also pledge to ensure say "America - not China - win di competition for di 21st Century" and say "we strengthen - not abdicate - our global leadership".

Israel-Gaza War

Ms Harris na a longtime advocate for a two-state solution, and she don call for an end to di war in Gaza.

As president, she say during her DNC acceptance speech say she go ensure "say Israel dey secure, di hostages dey released, di suffering in Gaza end, and di Palestinian pipo fit realize dia right to dignity, security, freedom, and self-determination".

While serving as vice-president, she don dey more open to criticising Israel during di Israel-Gaza war dan Mr Biden.

She be one of di first members of di administration to call for an "immediate cease-fire", raise concerns over di "humanitarian catastrophe for Palestinians" and charge Israel with ending di conflict.

She organise wetin she call "frank and constructive" talks with Israeli Prime Minister Benjamin Netanyahu wen e visit Washington for July.

She say she tell Mr Netanyahu say she get "serious concerns" about casualties in Gaza and say di way Israel defend imsef matter.

"Time don come to end dis war," she tok after face-to-face talks for di White House.

She never support arms embargo on Israel, however, as some of di US left don call for.

For di convention, she say she go "always stand up for Israel right to defend imself and I go always ensure Israel get di ability to defend imself".

Taxes

For 2017, while she be senator, Ms Harris support some progressive tax programmes, co-sponsoring a bill with Bernie Sanders to expand social security for di elderly by increasing di tax rate on investments.

As a presidential candidate for 2019, she support a corporate tax rate of 35%, up from 21%.

Dis bin dey more aggressive dan President Biden proposal, wey she also support, of an increase to 28%.

One campaign official tell BBC say di vice-president go continue to back President Biden proposal of not raising taxes on Americans earning less dan $400,000 (£310,000).

Ms Harris tok during her DNC acceptance speech say she "pass ago middle class tax cut wey go benefit more dan 100 million Americans", though details on dat plan never too clear.

Healthcare

As California attorney general, Ms Harris and her office often used anti-trust laws to keep insurers, hospitals and drug companies from raising customer costs.

Wen she become US senator and later a 2020 candidate for president, she hol more progressive views dan Mr Biden, supporting expanding Medicare and publicly-funded health-care programmes.

Medicare na US government-funded healthcare wey cover those between di age of 65 and older and those younger with disabilities.

Ms Harris previously bin support Medicare for All, policy wey go allow all Americans access to di system. Na position wey become popular among many progressive Democrats before Mr Biden presidency.

During di same period, she also support eliminating private healthcare insurance but den waka go back small on di mata, she release plan during her 2020 presidential campaign wey go put di US on track to offer government-funded health insurance over 10 years but wey no go fully eliminate private insurance companies.

Dat no be di case now. Her campaign tell BBC say, as president, she no go push for a single-payer system.

While she be vice-president, White House reduce prescription drug costs, put insulin prices at $35, allow Medicare to negotiate drug prices and cap out-of-pocket expenses for Medicare drug coverage.

Crime

Ms Harris start her legal career prosecuting child abusers and sex traffickers before being elected district attorney of San Francisco, den California attorney general.

Her offices increase conviction rates, particularly of violent criminals, though dat history lead to criticism from di progressive left, wey at times label her "a cop".

Meanwhile, di right don accuse her of being soft on crime, although her record dey contradictory. As a prosecutor, she no gree seek di death penalty against someone wey kill one cop, but as California attorney general, she fight for di state right to keep using it.

Ms Harris don also use her past as a prosecutor to serve as a major contrast with her opponent, wey dem convict on 34 charges inside one hush-money scheme to illegally influence di 2016 election.

She mention im conviction for her DNC acceptance speech: "Jury of everyday Americans find Trump guilty of fraud. And separately, dem find am liable for committing sexual abuse."

Climate

Ms Harris don long advocate for tough laws to protect di environment.

As a prosecutor, Ms Harris defend California climate laws and sue oil companies for environmental damage. She also call for climate change policies through a "Green New Deal" during her 2020 presidential campaign - some of wey don come to pass under di current administration.

During one CNN presidential debate for 2019, she say "there is no question say I dey in favour of banning fracking", wey be a technique for recovering gas and oil from shale rock. She don reverse her position since throwing her hat into di 2024 presidential race.

As vice-president, she help pass di Inflation Reduction Act, wey don funnel hundreds of billions of dollars to renewable energy and electric vehicle tax credit and rebate programs.

Last year, she note inside a speech say e constitute "di largest climate investment in our nation history" and emphasise di need to protect against extreme weather.

She only make brief mention of di climate for her DNC acceptance speech: "Di freedom to breathe clean air, drink clean water, and live free from di pollution wey dey ginger di climate crisis."

Gun laws

Ms Harris get a history of backing gun safety regulations throughout her political career, and she successfully defend California gun laws wen dem face legal challenges as di state attorney general.

As vice-president, she don oversee di White House Office of Gun Violence Prevention, and earlier dis year announce di creation of resource centres to support di implementation of red-flag laws - aimed at keeping firearms from those wey fit harm themselves and others.

She also encourage states to tap into $750m in federal funds wey di Biden-Harris administration make available for crisis intervention programs.