Alexis Mac Allister equaliser help Liverpool escape flogging from Manchester City

Alexis Mac Allister score one second-half leveller from di penalty spot as Liverpool and title rivals Manchester City play out absorbing draw for Anfield.

Mac Allister bury penalty in di 50th minute afta City keeper Ederson bin foul Reds Darwin Nunez.

John Stones bin give Manchester City di lead for di 23rd minute wen im sweep in Kevn de Bruyne corner.

Phil Foden of Manchester City strike di bar and Jeremy Doku hit di post late on.

Di draw mean say Arsenal stay for di top of di Premier League, level on points wit second-placed Liverpool, and City dey third wit one point behind.

How di match take waka

Second Half

90+10 mins - Michael Oliver dey look at im watch and immediately end dis match.

90+10 mins - Di resulting corner from Andrew Robertson (Liverpool) only finds one of di defenders, wey head am out of danger.

90+9 mins - Alexis Mac Allister break into di box and go ova afta a challenge from one opposition player, but di ref signal NO penalty!

90+9 mins - Andrew Robertson step up to take di corner. Im launch di ball into di penalty area, but e only find di head of one opposing player wey clear di danger.

90+8 mins - Harvey Elliott try to slide di ball through to one teammate but one defender block am. Liverpool win a corner.

90+7 mins - Mohamed Salah go down in di box afta one challenge from di defender. E be like say di referee no see am, as im say make dem play on.

90+5 mins - Jeremy Doku try to pass di ball into di penalty area but dem block am.

90+4 mins - Mohamed Salah fail to beat di offside trap and di linesman put im flag up.

90+2 mins - Liverpool fail to take advantage of di corner as di opposition defence dey alert and im avert di threat.

90+2 mins - Harvey Elliott attempt to find im teammate wit a pass from outside di box, but di opposition defence dey quick to react and thwart di attack. Liverpool get a corner.

90 mins - Minimum of 8 mins of added time go dey.

90 mins - Mohamed Salah come close to scoring. Im connect wit a pass inside di box and im suppose do beta instead of directing im shot straight at Stefan Ortega.

89 - Jeremy Doku throw di chance away as im attempt to produce a shot from inside di box. Im attempt simply rattle di right post. Di goalkeeper fit remain calm.

85 - Di game dey interrupted now, Kyle Walker picks up one knock and di physio gatz come in.

83 mins - Joe Gomez fire one powerful shot wey dem block.

83 mins - Andrew Robertson send di ball into di centre of di box from di corner. Virgil van Dijk (Liverpool) burst through one crowd of players but head di ball miles wide of di left post.

82 mins - Di ball go behind for a corner. Liverpool go get opportunity to threaten di opposition goal.

82 mins - Luis Diaz fail to send a pass into di box as dem cut out im effort.

82 mins - Jeremy Doku send one cross into di box, but di opposition defence clear di ball away to eliminate di danger.

80 mins - Jarell Quansah steady imsef and bend in one shot from di edge of di box towards di bottom left corner, but Stefan Ortega make a comfortable save.

76 mins - Substitution. Darwin Nunez comot for Cody Gakpo.

74 mins - Phil Foden (Manchester City) place one close-range header from a rebound onto di crossbar!

74 mins - Nathan Ake (Manchester City) send one teasing cross into di area, but Caoimhin Kelleher intercept di ball.

71 mins - Darwin Nunez crack a first-time shot, but di goalkeeper pull off one amazing save.

69 mins - Pep Guardiola don decide to substitute Julian Alvarez and e comot for Jeremy Doku.

69 mins - Substitution. Mateo Kovacic don enta and Kevin De Bruyne comot.

69 mins - Andrew Robertson fail to pick a bodi out in di box wit cross wey im too hit to di back of di post.

66 mins - Andrew Robertson take di corner, but di opposition defence dey ready and clear di ball to safety.

66 mins - One snap shot by Alexis Mac Allister from di edge of di area fly towards di right side of di goal, but Stefan Ortega produce a good save to thwart am. Di linesman makes di right call and Liverpool go get corner.

65 mins - Di ball rebound back to Mohamed Salah on di edge of di box and e produce anoda shot, but e fly wide of di target.

65 mins - Mohamed Salah win di ball afta di corner kick and take a shot from di edge of di box, but one of di defending players block am.

65 mins - Di ball go out for a corner. Liverpool fit continue in dia attacking effort.

65 mins - One fantastic block by one defender mean say di corner from Liverpool no produce anytin.

65 mins - Luis Diaz try to latch onto one defence-splitting pass, but one of di defending players intercept di effort and di danger pass. Liverpool go get chance to score from a corner kick.

63 mins - Good chance! Luis Diaz nicely turn im man inside di box but im place im effort just wide of di right post. Im suppose score!

61 mins - Jurgen Klopp don decide to make a change. Andrew Robertson comot for Conor Bradley.

61 mins - Substitution. Dominik Szoboszlai comot for Mohamed Salah (Liverpool).

59 mins - Michael Oliver show yellow card to Bernardo Silva for tough tackle.

57 mins - Phil Foden go feel embarrassed now. Im receive a killer pass, but im shot from di six-yard box na disaster. Im miskick and make am veri easy form Caoimhin Kelleher to get hold of di ball.

56 mins - Pep Guardiola decide to make one substitution. Ederson go comot for Stefan Ortega.

54 mins - Ederson dey in pain and e fit receive medical treatment afta di referee signal for di physio to come to di pitch.

53 mins - Di flag go up and di referee blow im whistle - anoda offside by Darwin Nunez. Dem don too catch am today.

51 mins - 1 - 1 - Na goal! Alexis Mac Allister coolly put away di penalty kick.

50 mins - Alexis Mac Allister go take di responsibility and e don already dey prepare di ball.

48 mins - Ederson dey ask for yellow card wit im behaviour. Di referee agree and give am.

46 mins - One of di Liverpool players commits a holding foul and di referee reach for im whistle.

46 mins - Di whistle blow and Michael Oliver start di second half.

First Half

45+3 mins - Di referee blow im whistle to end di first half and di players don dey head to dia respective dressing rooms.

45+2 mins - Referee Michael Oliver rightly decide to book Rodri of Manchester City for im harsh tackle.

45+2 mins - Conor Bradley send one sweet pass into di penalty area, but one of di defenders avert di danger.

45+1 mins - Kyle Walker send in one pass wey fail to reach any of im teammates.

45 - mins We go get 2 mins of added time.

45 mins - Julian Alvarez get effort from di edge of di area, but im play di ball ova di top.

43 mins - Dem penalise Luis Diaz sake of say im hold di ball. Michael Oliver signal a set piece.

42 mins - Luis Diaz trick im way to di edge of di box where im shoot at goal. Di keeper scramble to cova di effort, but e go just wide of di left post.

40 mins - Dem catch Darwin Nunez for offside!

39 mins - Erling Haaland dribble im way to di edge of di box and drill one shot towards di middle of di goal, but Caoimhin Kelleher dey equal to di effort and make a good save.

39 mins - Dem clear one attempted cross from Conor Bradley.

39 mins - One defender block di ball on di line afta a snap shot from Harvey Elliott inside di box following a slide rule pass.

37 mins - Kevin De Bruyne lift di ball into di box from di corner, but one of di defending players get dia first to head am clear.

37 mins - Kevin De Bruyne shoot from outside di box, but dem block im effort. Manchester City get corner.

35 mins - Phil Foden take di corner, but one of di defenders react well and rise highest to head di ball away.

35 mins - Erling Haaland go on a solo run, but im fail to create a chance as one opposition player block am. Di referee blow im whistle, dem award Manchester City a corner kick.

34 mins - Conor Bradley fire di ball at goal from inside di area, but dem block am well.

32 mins - Dominik Szoboszlai climb all ova di defender near di penalty spot to win di ball from a cross by Harvey Elliott, but plan im header narrowly wide of di right post.

31 mins - Di Liverpool players keep di ball and dem dey exchange combination of passes. Dem dey wait for gaps for di defence to open up.

29 mins - Michael Oliver blow im whistle and na Alexis Mac Allister wey dey penalised for one offensive foul. Good decision by di referee.

28 mins - Luis Diaz produce one dangerous low pass into di penalty area, but di defence manage to cut it out.

27 mins - Di linesman raise im flag. Darwin Nunez dey offside.

23 mins - 0 - 1 - Na goal! Kevin De Bruyne deliver a teasing cross from di resulting corner and di ball fall into di space where John Stones dey wait. Im precise shot from close range go straight inside di right post and na 0:1.

23 mins - Manchester City force dia opponents to concede a corner.

23 mins - Bernardo Silva deliver one promising cross into di box, but dem clear am.

22 mins - Julian Alvarez try to create a chance, but im put too much weight on im pass.

21 mins - Dem flag Bernardo Silva for offside.

20 mins - Alexis Mac Allister blast di ball from just outside di box, but di defender block im attempt.

19 - Dem no accept di goal wey Darwin Nunez score for Liverpool sake of offside.

18 mins - Michael Oliver blow im whistle for foul afta Kyle Walker hack down one of im opponents.

18 mins - Phil Foden strike di ball towards goal, but e fail to reach di target afta dem di defenders block am well.

16 mins - Darwin Nunez get good opportunity wen im latch on to one cross from di

wing, but im header no dey accurate at all and di ball go wide of di left post.

16 mins - Flag go up against Darwin Nunez of Liverpool and di referee blow im whistle for offside.

14 mins - Conor Bradley take di chance to get effort at goal from inside di box but im miss to di left of di target.

12 mins - Manchester City keep possession of di ball by producing one-two passes, but one opponent step in and win di ball.

10 mins - Julian Alvarez take di corner but dem clear am.

10 mins - Phil Foden send one cross into di box, but di opposition defence quickly intercept di ball. Manchester City earn a corner.

9 mins - Kevin De Bruyne produce one good strike wey enta di middle of di goal, but im effort end up for di goalkeeper gloves.

8 mins - Kevin De Bruyne fail to pick a body out in di box with chip pass wey im too hit.

6 mins - Kyle Walker jump into one tackle and Michael Oliver signal a foul.

5 mins - Kevin De Bruyne do im best to latch onto one cross into di box, but e no fit get to di ball.

3 min - Julian Alvarez of Man City drill one shot low toward di middle of di goal, but Caoimhin Kelleher pull off a comfortable save.

1 min - Today match just start. Na Liverpool get di kick-off. Michael Oliver na di referee. Enjoy di game.

Liverpool go clash wit Manchester City as di race for di Premier League title kontinu on Sunday.

Liverpool dey second on di table wit 63 points while Manchester City dey third position wit 62 points. Arsenal dey lead wit 64 points.

We go know who di match go favour afta 90 minutes sake of say di two clubs strong well-well and dem no dey always gree for each oda.

Di eyes of club fans, including rival clubs dey for dis match, na around 3:45 pm Nigerian time e go start.

Anyhow e end banter go dey and dragging go dey for sure as e fit affect table toppers Arsenal.

Team news

Liverpool striker Mohamed Salah don come back from injury so im dey available. Salah comeback from im hamstring injury for midweek.

Dem go check Ibrahima Konate and Joe Gomez weda dem fit play. Di two players both comot from di match against Sparta Prague on Thursday sake of pain.

Manchester City go also check if Jeremy Doku and Matheus Nunes dey fit. Matheus Nunes finger bin dislocate during midweek.

Phil Foden suppose don recova from a dead leg wey im bin get against Manchester United, but Jack Grealish no go play at all.

Head-to-head

Liverpool bin don lose only one of dia last 20 meetings wit Manchester City at Anfield, dem win 13 draw 6.

However, di Reds only victory for dia past eight matches against City na 1-0 for dis same fixture last season.

Only two of di past 30 Premier League encounters na im di away team don win.

Liverpool

Di 20 times Liverpool bin win for di Premier League so far dis season don equal dia tally from di whole of last season.

Di Reds bin don win eight of dia last nine league games, except one 3-1 loss to Arsenal on 4 February.

Jurgen Klopp side get 22 points from losing positions so far dis season, e use one take pass Manchester City.

Ten Premier League goals wey Liverpool score for di 90th minute or later for di 2023-24 na dia joint-most goals in one season.

Substitutes bin don get hand for 22 Premier League goals for Liverpool dis season, dem score 11 and assist 11.

Darwin Nunez get eight goals and three assists for im past 10 appearances for all competitions.

Mohamed Salah get 11 goals and seven assists for im last 19 games against Manchester City.

Luis Diaz bin score for evri Liverpool last three home league matches and im dey unbeaten for all 29 of im Premier League appearances for Anfield.

Manchester City

Manchester City dey aim to win 10 away matches back to back for all competitions for di third time under Pep Guardiola.

Dem neva beat dem for dia last 12 league games, dem win 10 and draw two.

City dey hope to keep consecutive league clean sheets away from home for di first time since dia run of five for 2022.

Phil Foden wey bin get hand for 18 goals for di league so far dis season na di best return in a single campaign.

Foden tally of 18 goals for all competitions na also a career best in one season.

Erling Haaland don play three Premier League away games witout a goal.

Rodri dey unbeaten for im last 60 appearances for Manchester City, a run wey dey stretch ova one year since dia 1-0 defeat by Tottenham for February 2023.

Line ups

Liverpool starting 11: Kelleher, Gomez, Endo, Van Dijk, Diaz, Sbosboszlai, Nunez, Mac Allister, Elliot, Quansah, Bradley

Manchester city starting 11: Elderson, Walker, Stones, Akanji, Ake, Rodrigo, De Bruyne, Bernado, Alvarez, Foden, Haaland