How England come from behind to flog Slovakia and book spot for Euro 2024 quarter-final

Afta incredible 90 minutes of play wit extra time, England don enta di quarter final of Euro 2024 following 2-1 win against Slovakia.

Slovakia na beta team wit dia early goal wey extend into di final 90 minutes of di game - dem suppose hold on to di score line of leading by one goal but di shocker come for di 90+5mins out of di six minutes added time.

What a night to watch dramatic comeback for di England team afta very poor outing at di group stage but dem narrowly escape dis round of 16 game wit Slovakia.

Na fantastic goal wit beautiful assist from Strelec wey find di ball through for Ivan Schranz, wey neatly put am for net for back of Pickford.

Schranzscore for Slovakia at di 25th minute of di game and give di Slovak Falcons one good edge ova di England team.

Di game bin enta half-time wit Slovakia leading and poor starting game for England.

For di second half, di England bin ginger well as coach Gareth Southgate make some changes.

Di 50th minute bin come wit lots of drama wen VAR cancel goal from Phil Foden. Dat for be England equaliser but di VAR review cancel di goal sake of Foden offside position.

Entering into di final minutes of added time, hope dey lost for England. Palmer enta di game to create some magic but e no show.

Interestingly, at di 90+5mins, Jude Bellingham equalise for England wit incredible goal.

What a dangerous time to score a goal wey England really need against Slovakia wit just 30 seconds to end di match.

E push di game go extra time.

Na really big crushing disappointment for Slovakia as dia hope for di extra time na to find a goal but rather, dem chop goal.

Harry Kane wey don find goal since but e no see dey lucky to dey one correct position wey di ball reach im side and e score to put England for di lead

For 91 minutes of di extra time England play wit correct ball in possession.

England wit 2 goals lead ova Slovakia proceed to di quarter-final game to face Switzerland.

Southgate jump onto di pitch in front of di England fans, but dis time dem dey hail am.

Jude Bellingham collect di Player of di Match sake of im "overall contribution and di goal wey keep England for di tournament".

England dey go to di next stage while Slovakia dey go home.

England vs Slovakia highlights

Extra Time

What a game for di Slovakia team, but na home dem dey go straight afta dis loss.

England 2-1 Slovakia

FINAL WHISTLE

Slovakia still hopeful at di goalpost looking for a goal to push di match into penalty. But, No.

1 Mins Added Time

120mins- Walker block shot for England. Škriniar fire shot wey dey blocked.

119mins- Hancku miss di target fro Slovakia. Dat is a miss

116mins- Slovakia looking dangerous on di wit beautiful play inside di penalty area of England. But dem no fit convert am to goal

115mins- Corner for Slovakia, can dey make dis happun for equaliser? Oh, Toney clear di ball go Eze side.

114mins- Slovakia player getting frustrated on di pitch. Oh, what a foul against Toney of England

112mins- England putting more pressure on Slovakia wit square play right left and center

111mins- Guéhi (England) take direct free-kick.

YELLOW CARD- Eberechi Eze chop foul from Denis Vavro wey referee give quick yellow card

110mins- Na part of wetin you go see Eze do be dat, to put player on di run and beat dem wit speed wey go make players foul am.

SUBSTITUTION- Bellingham out for Konsa, Kane out for Gallagher- on di England team

106mins- England get 15 minutes to hold down di game to proceed go quarter-final game wit Switzerland.

EXTRA- TIME (Second Half Begins)

Di player dey try find liquid to drink to play for di final extra time

England 2-1 Slovakia

EXTRA TIME (First Half Ends)

That was CLOSE for Slovakia!!!

What A Strike from Pekarik for Slovakia. Dat for be di equaliser wey Slovakia dey find. Im miss di target.

105mins- Pickford (England) take indirect free-kick for di Three Lions.

104- Pekarík of Slovakia get di ball for dis dangerous position, oh, OFFSIDE position.

102mins- Slovakia still dey fight wit dia energy to still put goal for di net of England. Dia spirit don dey ginger as di final extra time dey count.

99mins-Pickford (England) take direct free-kick.

97mins- Gyömbér for Slovakia don chop foul ontop wetin im do Toney (England).

95mins- Palmer dey di middle trying to stop any Slovakia player from crossing to dia oda half

Absolutely brilliant start for Ivan Toney wey just come to give assist.

Harry Kane score to put England in di lead

GOOALL

91mins- England wit a correct ball in possession

EXTRA TIME

Second Half

England 1-1 Slovakia

Anoda 30 minutes to be played on di pitch

SECOND HALF End

What a time to score a goal wey England really need.

90+5mins- Jude Bellingham wit incredible goal

England 1-1 Slovakia

GOOOAAALLL

Foden out, Toney in for England

90+3mins SUBSTITUION- Schranz di goal scorer comot for Slovakia

90+1mins- Eze get corner for England to find goal. Southgate now standing wit pressure so im team go fit even find one goal

England 0-1 Slovakia

Can England still create magic?

6 Minutes Added Time

89mins- Eze (England) don concede free-kick for foul ontop Lobotka (Slovakia).

87mins- It is Phil Foden wit di move, dangerous position for di Slovakia team, Foden move into di penalty area in search of goal.

85mins- HarryKane wit di ball, finding conrrect position wey go make am shoot into di Slovakia net.

83mins- England trying to find an equaliser so dem no go crash out of di Euro

81mins SUBSTITUTION- Kucka and Duda out- Beros and Benes in for Slovakia

78mins- Kane miss dat target from im header wey go ova di goalpost.

Great Free Kick from England star Foden- Nice header from Kane but e no enta net

77'YELLOW CARD Pekarik pick yellow card for dangerous tackle against Foden

72mins- England don get seven corners for dis game so far but none don enta net yet. Slovakia dey play from defending side of dia and dem dey do excellent work to prevent England from scoring.

70mins- Foden get confam conrner for England.

Free Kick for England taken by Guehi

68mins- Saka don go back to play for di left-back, wit Palmer wey go dey operate from di right wing.

Pickford (England) get direct free-kick. Now taken, ball in play.

67mins- Schranz wey score for Slovakia don commit a dangerous foul against Guéhi (England).

66'SUBSTITUTION- Trippier out, Cole Palmer in for England

64mins- Incredible by di England team as dem dey find one goal to give dem hope. Kucka (Slovakia) concede free-kick for foul against Rice (England).

62mins- Trippier don dey down sake of muscle wey dey worry am.

SUBSTITUTION-

David Strelec out, Lukáš Haraslín out- Tomáš Suslov and Róbert Boženík in for Slovakia

61mins- Foden get di ball for England, take a move closer, den position well to shoot-- Oh no, dat shot by Foden was blocked Duda (Slovakia)

59mins- Kucka (Slovakia) di strong for di team don also concedes free-kick for a foul against Mainoo (England). Mainoo dey really hold di midfield dis time around for di second half

54mins- Haraslín (Slovakia) don concedes free-kick for di foul against Walker (England). Can England move wit dis?

VAR cancel di goal oooo. Dis for be England good hope to kontinue against Slovakia

VAR check in progress

50mins- GOOOAALL CANCELLED. England equaliser cancelled by VAR review49'

Oh No, Foden score but cancelled sake of offside position.

49mins-Foden get di ball, wit a good strike. Im put am for back Dubravka. Is That A Goal?

Schranz (Slovakia) chop whistle for im foul against Guéhi (England). Rice (England) take a direct free-kick.

47mins- England don resume wit plenti dribbles as Saka and Kane dey try break di Slovakia defence

SECOND HALF begin

First Half

HALF-TIME

England 0-1 Slovakia

Corner for England at dis dangerous time. Oh Stones push pesin for inside di net

45+2mins- England don ginger as dem dey try pump shots into di Slovakia net. Mainoo make way through but shot blocked

Free Kick for England. Foden take di free kick

45+1mins YELLOW CARD for Škriniar wey do foul agains Bellingham

3 Mins Added Time

44mins- Hancko (Slovakia) concedes free-kick for foul wey im commit against Saka (England).Walker (England) take direct free-kick.

43mins- Duda (Slovakia) chop whistle afta im against Stones (England).

41mins- Di game na big test for England as dem dey battle to find equaliser. Stones (England) take a direct free-kick straight.

39' Match dey on hold as Vavro dey receive attention from Slovakia medical team

Foden (England) take direct free-kick, oh, e no too strong to through di net.

38mins- Slovakia trying to seal dia goal as dem dey move wit speed for di midfield. Duda (Slovakia) cause free-kick afta im foul Bellingham (England).

36mins- Strelec (Slovakia) dey offside, referee catch am.

30mins- One long shot pass ova Kane to go to goalkick for Slovakia

28mins- Foden trying to find way into Slovakia net

26'Schranz score im third goal at dis EURO

England 0-1 Slovakia

Slovakia take di lead!

What a fantastic goal. Beautiful assist from Strelec who find di ball through for Schranz, who neatly put am for net for back of Pickford.

25'Ivan Schranz score for Slovakia

GOOOAAALLLL

23mins- Corner for England, taken by Trippier to Saka. What a shot by Mainoo but e go ova di net.

22mins- What a Miss by Bellingham right inside di Slovakia box, loses di ball to defenders, den to Kane wit a header but deflected to corner

21mins- Loud clapping at di stadium coming from fans of both teams. Foden and Bellingham trying to find Saka, but loses di ball. Walker lose di ball, strong attack by Slovakia player.

England 0-0 Slovakia

Hard tackle by Declan Rice

19mins- Foden wit di move towards Slovakia post

About four yellow card in di first half of dis game. Škriniar (Slovakia) take direct free-kick.

17'YELLOW CARD- Bellingham get booked for England for hard tackle against Haraslín (Slovakia).

15mins- Saka and Bellingham playing from top left side trying to break into Slovakia b0x. Lots of loud shouts in di stadium

13'YELLOW CARD- Kucka get booked for Slovakia

12mins- What A Chance Missed! Slovakia for don dey lead

10mins- Trippier (England) touch di ball, make some moves but im miss di target.

8mins- Lovely shot blocked by Stones (England). Nice defending from di England team

7'YELLOW CARD- Mainoo wey start im first game don chop yellow card afta im do foul

5mins- Nice Chance for England. Saka and Bellingham playing inside Slovakia box, but a miss

4mins- What A Miss! Slovakia miss opportunity to lead di game

3mins: Free Kick for Slovakia. Di first kick of di game. Not well taken as e go across di goal

2'YELLOW CARD- Guehi booked for foul against Slovakia player.

1mins: Jordan Pickford don already begin dey get early touches, same as Marc Guehi for England.

0mins- Slovakia kick di ball to begin di match.