دا لومړى ځل دى چې د سعودي عربستان پاچا د عيسوييانو له مذهبي مشر سره په واتيکانو کې ويني

سعودي عربستان او واتيکان په خپلو کې ديپلوماتيکي اړيکي نه لري او هيڅکله د سعودي کوم ټولواک دغه هيواد ته پخوا سفر نه و کړى .

د سعودي پاچا د مکې مکرمې او مدينې منورې خادم دى .

پاچا عبدالله به په واتيکانو کې له پاپ بنيډيکټ سره ويني او خبرې اترې به سره کوي .

ويل کيږي چې پاپ به د دغې ليدنې او خبرو په ترڅ کې له سعودي پاچا غواړي چې په سعودي عربستان کې عيسوييانو ته د ښکاره عبادت اجازه ورکړي .

د اوس لپاره په سعودي عربستان کې د گوتو په شمار عيسويان شته چې په ښکاره عبادت نه کوي .

تيره مياشت تر ١٠٠ ډيرو مسلمانو علماو پاپ ته ليک استولى وى او غوښتنه يې لرلهچې د دواړو مذاهبو ترمنځ د تاوتريخوالي د اوج په دې وخت کې بايد دى لا ډيرې همکارۍ ته هڅې وکړي .