مېرمن کلینټن وویل د اوربند د ساتلو لپاره باید د غزې لخوا توغندیز بریدونه بند شي
تر یوې اوونۍ تاوتریخوالي وروسته اسراییلو او حماس په اوربند موافقه وکړه. په تېرو څو ورځو کې لږ تر لږه ۱۶۰ فلسطینیان او ۵ اسراییلیان وژل شوي دي.
چارواکي وايي اوربند به د ګرینویچ پر مهال پراوو بجو پیلېږي. د سه شنبې په ورځ ورته شان وړاندوینې ناسمې ختلې وې.
څو شېبې وړاندې د اسراييل په ستر ښار تل ابیب کې په یوه بس کې چاودنه شوې ده چې یو شمېر اسراییلیان یې ټپیان کړل.
د اسراييلو په بریدونو کې د چار شنبې په ورځ لږ تر لږه ۱۳ کسه وژل شوي.
د مصر د بهرنیو چارو وزیر کامل امر د امریکا د بهرنیو چارو له وزیرې هېلري کلنټن سره په یوه خبرې کنفراس کې د دغه اوربند اعلان وکړ. هېلري کلنټن د چارشنبې په ورځ د د فلسطین له ولسمشر محمود عباس سره خبرې کړې وې.
په سیمه کې د بي بي سي خبریال وايي د دغې موافقې جزييات لا نه دې په ډاګه شوي.
د لومړي وزیر بنیامین نېتنیاهو د دفتر لخوا په یوې خپره شوې اعلامیه کې دغه اوربند منلی.
د هوکړې له مخه ښاغلي نتنیاهو د امریکا ولسمشر اوبا ما سره په دې اړه مشوره کړې. ښاغلي نېتنیاهو د اوباما هغه غوښتنه چې له دې نه مخکې چې د ستر پوځي ځواک کارولو ته اړتیا پېښه شي، د مصر اوربند وړاندیز ته دې یو چانس ورکړل شي.
مېرمن کلینټن وویل د اوربند د ساتلو لپاره باید د غزې لخوا توغندیز بریدونه بند شي او پوله بېرته خوندې حالت ته ستنه شي.
