'د سحر سوځېدو د نیمو ایرانیانو هیلې وسوځولې'
د عکس سرچینه، Social Media
د ایران تر اسلامي انقلاب وړاندې د دغه هېواد وروستي پاچا محمد رضا پهلوي کونډې فرح پلهوي ویلي، د سحر خدایاري ځان سوځونه او مرګ د نیمو ایرانیانو د هیلو سوځېدل او مرګ په معنا دي چې په وینا یې له تېرو ۴۰ کلونو راهیسې د خپلو ډېرو لږو حقونو لپاره مبارزه کوي.
سحر خدایاري لوبغالي ته د ورتګ د هڅو له کبله تر قضايي څار لاندې وه، چې بالاخره یې ځان ته اور ورته کړ او مړه شوه.
د فوتبال دغه پلوۍ نجلۍ پر خواله رسنیو په "ابي نجلۍ" مشهوره شوې وه.
پر خواله رسنیو د هغې مړینې توند غبرګونونه وپارول او ځینو ایرانیانو د فیفا له لوري د ایران پر فوټبال د بندیز غوشتنه وکړه.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
په تازه غبرګونونو کې فرح پهلوي ویلي، اغلې خدایاري د ایراني ښځو د حق غوښتنې یو سمبول و.
اغلې پهلوي په یوه خبرپاڼه کې ویلي: "له تصور لیرې او ډېره وحشتناکه ده چې په یوویشتمه پېړۍ کې یوه ایرانۍ پېغله یوه لوبغالي ته د ورتګ له کبله ژوند له لاسه ورکوي."
دا وايي "د ابي نجلۍ مړینه د نیمو ایرانیانو د هیلو سوځېدو او وژلو په معنا ده، چې له تېرو څلوېښتو کلونو راهیسې د خپلو ډېرو کمو حقونو لپاره مبارزه کوي او په زړورتیا ولاړ دي".
د عکس سرچینه، Getty Images
د فوټبال نړیوال فدراسیون (فیفا) ویلي، د سحر خدایاري قضیه به وڅېړي چې ایا ایران د نړیوالو لوبو مقدماتي سیالیو کې سټوډیمونو ته ښځو ته د ورتګ اجازه ورکوي او که نه.
فیفا وايي ژر به په ایران کې د دې مسلې د څېړنې یو پلاوی څېړنه پیل کړي.
د فرانسې د خبري اژانس له مخې، د فیفا په دې څېړنډله کې به درې کسان وي چې د ایران د فوټبال فدراسیون له چارواکو سره به خبرې وکړي.
