ښځې خپل جنین پر فیسبوک پلورلو ته وړاندې کړی
د مصر اسکندریه کې یوې ښځې پر انټرنېټ له زیږون وړاندې د خپل جنین د خرڅولو اعلان کړی.
له دې اعلان سره لیکل شوي چې "ماشوم د زویولۍ لپاره".
په اعلان پسې وروسته دا هم لیکل شوي چې "د ماشوم زویولۍ نیولو سره د مور او پلار اجازه شته، هرڅوک چې غواړٍي له موږ سره دې پر استوځګر (مسینجر) اړیکه ونیسي."
ښکاري چې د فیسبوک ځینې کاروونکو د اعلان له خپروونکې سره اړیکه نیولې ده او هغې ته یې د جنین د اخیستو مقابل کې د ۲۰ زره جنیه ورکولو وړاندیز کړی.
د مصري ورځپاڼو په وینا، پر انټرنېټ په دې اړه بحثونه ددې لامل شوي چې له اعلان خپروونکې سره اړیکه ونیوله شي او مېړه یې له دې کاره راوګرځول شي.
د یادې ښځې مېړه هم منلې ده چې ښځې یې داسې یو اعلان کړی دی.
دوی ویلي، خپل جنین یې ځکه خرڅاوه، چې پیسو ته یې اړتیا لرله.
د ماشومتوب او مورولۍ اړوندې ملي شورا ویلي، د والدینو له خوا پر انټرنېټ د ماشوم خرڅولو دا دویمه پېښه ده.
که څه هم دا اعلان پخوانی دی، خو په وروستیو کې یې پر خواله رسنیو ډېر بحثونه پارولي دي.
د عکس سرچینه، FB
ځینو خواله رسنیو کاروونکو یاد مور او پلار ته تر ټولو د سختې سزا ورکولو غوښتنه کړې او د ماشومانو د قانون پلې کېدو جدي غوښتنه یې کړې ده.
د ماشومتوب او مورولۍ اړوندې ملي شورا لیکلي:
"دغه شورا د یوې مور له خوا پر انټرنېټ د خپل ماشوم د خرڅولو د هڅې شنډولو کې بریالۍ شوې ده، دا پر انټرنېټ د ماشوم خرڅولو دویم اعلان دی."
