دوه ورځې وړاندې په ډيره اسماعيل خان کې هم يوۀ ځانمرگي ځان والوزاوۀ او گڼ کسان يې ووژل

ويل کيږي چې په لسگونو نور کسان په دغه پېښه کې ټپيان شوي دي .

بريد کوونکي په يوۀ وخت کې د فابريکې پر دوو جلا دروازو کې ځانونه والوزل .

ځايي پوليس وايي دا خورا لوى بريد و . ځانمرگو هغه وخت ځانونه والوزل چې د فابريکې يوه برخه کارکوونکي رخصتيدل او بلې برخې يې په کار پيل کاوۀ .

تلويزيوني عکسونو ښوول چې په لسگونو پوځي ژغورونکي د بريد په ځاى کې په هڅه بوخت و چې ټپيان وباسي .

د واۀ په ښارگوټي کې دغه پوځي فابريکه د هيواد يوه ډيره حساسه سيمه گڼل کيږي .

دغه پوځي فابريکه شاوخوا ٢٠ برخې لري چې د پاکستان د پوځ لپاره توپونه ، شوبلې يا ټانکونه او د الوتوکو ضد توغندي جوړوي .

په دغه فابريکه کې په لسگونو زره کسان کار کوي . يوۀ کارکوونکي خبري اژانسونو ته ويلي چې د ځانمرگو بريدونو ډير قربانيان کارگران ول .

د دوشنبې په ورځ د پخواني پوځي مشر او ولسمشر پرويز مشر له استعفى وروسته دا په پپاکستان کې د تاوتريخوالي دويمه لويه پېښه ده .

دوه ورځې وړاندې په ډيره اسماعيل خان کې يوۀ ځانمرگي روغتون په نخښه کړى و چې شاوخوا ٣٠ کسان يې ووژل .