نامتو سندر غاړي فرهاد دريا د خپل وروستي البوم الله ياهو يو شمير سندرې د غفور ليوال له شعرونو جوړې کړي دي.

ښاغلى عبدالغفور لېوال د ١٣٥٢ لمريز د كب د مياشتې په شلمه نېټه د كابل ولايت د موسهي په ولسوالۍ كې زيږيدلى، په خټه صاحب زاده حسين خېل او د علي محمد خان زوى دى.

پروگرام دلته اوريدلاى شئ.

لومړنۍ زده کړې يې د كابل د اعتبار خان په عالي لېسه، لوړې زده كړې يې د كابل پوهنتون د ژبو او ادبياتو په پښتو څانګه كې تر سره كړې دي او په ژورناليزم او سياسی علومو کې يې خپل تخصص د امريکا له مريلند پوهنتون څخه تر لاسه کړی دی.
اوسمهال د افغان ادبي بهير رشاد کره کتنې او د علم او ادب د خپراوي ټولنې غړيتوب لري.

دندې:
- د(هنداره) خپرونې خبريال او د چلوونكې ډلې غړى.١٣٧٤ ل
- د كابل پوهنتون د فرهنگي شورا مرستيال١٣٧٤-١٣٧٦ل
- د افغانستان د مرستو دمركز دبشري حقونو دڅانگې غړى١٣٨٠-١٣٧٧ل
- په كابل كې د( جگړې او سولې دراپورجوړونې دانستيتيوت ) لومړنى كتونكى(اډيتور) او مسوول١٣٨٠ ل
- په كابل كې دآزادۍ راډيو دپښتو څانگې كتونكى او خبريال١٣٨١ ل
- د افغانستان داساسي قانون دكميسيون دمطبوعاتي څانگې مشر او د دارالانشا وياند ١٣٨١-٨٢ ل
- د افغانستان دوزيرانو شورا فرهنگی سلاکار او د فرهنگي چارو د ادارې ريس ١٣٨٤
- اوس د افغانستان د سيمه ييزو مطالعاتو د مرکز رئيس.

په هېواد كې دبېړنۍ لو يې جرگې لپاره دهېواد دليكوالو، شاعرانو او ژورنا ليستانو منتخب استازى او داساسي قانون دلويې جرګې پر مهال ددغې جرگې دمطبوعاتي چارو دسمون مسوليت يې پرغاړه درلود.

چاپ شوي اثار :

- مخه ښه او دوه منظومې ١٣٧٦ ل- پېښور
- ژړا ، اور ، مينه دشعرونو ټولگه ١٣٧٧ل- پېښور
- هوسۍ منظومه ١٣٧٨ل – پېښور
- ارشاك او اوشاس منظومه ١٣٨٠ل- پېښور
- دوريښمو تول دپښتو شعر داوسمهالي بهير كره كتنه١٣٨١ ل كابل
- دماشومانو لپاره كيسې او بوختياوې دماشومانو دادبياتو په هكله ١٣٨١ل- كابل
- كله چې ته خپه شې دشعرونو مجموعه١٣٨٢ل- كابل
- دنيلوفرو كيسې راټولونه (دافغان ښځو په هكله دبيلابيلو ليكوالو كيسې ( ١٣٨١ ل ) پېښور
- نه ته می هيره نه وی د شعرونو مجموعه
له ١٢٠ څخه ډيرې علمي – مسلكي مقالې دهېواد په مجلو او خپرونو كې .
يو شمېر ناچاپ كتابونه هم لري .

که له شاعر او ژورناليست غفور ليوال نه په اوومه سټوډيو کې کوم سوال او ځواب غواړئ نو د دې اوونى په اوومې سټوډيو کې برخه واخلئ او د پروگرام پر مهال پر دې شمېره زنگ ووهئ
٠٠٤٤٢٠٧٨٣٦٠٣٣١ .

د پروگرام د نشر وخت د جمعې د ماښام اووه نيمې بجې.

د بريښنا ليک پته ده:
[email protected]