حنان حبيبزى بي بي سي پښتو ټکى کام

	د بښنې د نړيوالې ټولنې دغه غوښتنه په ليتوانيا کې د ناټو د غړو هيوادونو د دفاع وزيرانو د غونډې په درشل کې شوې ده .

ټولنه انديښنه لري چې د سيمه ييزو امنيتي ځواکونو په ولکه کې افغان بنديان د زور زياتي او د روغتيايي اسانتياوو له نشت والي سره مخامخ کيږي .

د بښنې نړيواله ټولنه غوښتنه کوي چې نړيواله ټولنه بايد د بنديانو په اړه خورا نور جديت وکاروي.

د بښنې د نړيوالې ټولنې دغه غوښتنه په ليتوانيا کې د ناټو د غړو هيوادونو د دفاع وزيرانو د غونډې په درشل کې شوې ده .

ټاکل شوې ده چې ددفاع وزيران په دې غونډه کې د افغانستان د امنيتي حالاتو او د اورپکۍ په وړاندې دجگړې پر څرنگوالي خبرې وکړي .

دجگړې د بنديانو مساله ددغې ټولنې په يو بل راپور کې چې د٢٠٠٧ کال د نومبر پر ١٣ خپور شو راپورته شوه .

په دې راپور کې ويل شوي وو، هغه بنديان چې افغان امنيتي ځواکونو، استخباراتو او نورو ته سپارل کيږي زورزياتى او د روغتيايي اسانتياو نشت والى زغمي .