 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
د پکتيکا ځانمرگي دوه افغان وواژۀ | |||||||||||||||||||||||||||||||||||||||||||||||||||||||||||||||||||||||||||||||
د افغانستان د پکتيکا ولايت د ارگون په ولسوالۍ کې يوۀ ځانمرگي بريد کوونکي دوه ملکي کسان وژلي او شپږ نور يې ټپيان کړي دي . دا د پنجشنبې په ورځ دويم ځانمرگى بريد و چې په افغانستان کې يې مرگ ژوبله پېښه کړه . تر دې وړاندې په کابل کې يوۀ ځانمرگي بريد دوه کسان وژلي و . د پکتيکا والي ډاکټر اکرم خپلواک د بي بي سي له پښتو وېبپاڼې سره په خبرو کې وويل چې د امريکايي ځواکونو د انجينييرانو يو گاډى په بريد کې په نښه شوى چې له امله يې دوه ملکي کسان وژل شوي او شپږ نور چې دوه يې انجينييران دي ټپيان شوي دي . د افغانستان په سويل ختيځو ولايتونو کې د بي بي سي خبريال الياس وحدت وايي د ناټو يوۀ وياند ورته ويلي چې په دغه پېښه کې د دوى کوم کس نه دى وژل شوى . د ناټو د وياند ترمخه په بريد کې د دوى دوه کارکوونکي او يو افغان ژباړونکى ټپي شوي دي . درې کسه نور ملکي وگړي هم په دغې پېښې کې ټپيان شوي دي . ډاکټر اکرم خپلواک ادعا وکړه چې د دۀ په وينا ترهگر په پکتيکا ولايت کې د بيا رغاونې چارې نه شي زغملى او دغه بريد يې هم پر هغو کسانو و چې له پکتيکا څخه خوست ته پر يوۀ غځېدونکي سړک يې کار کاوۀ . د پکتيکا ولايت د وزيرستان له نا ارامې قبايلي سيمې سره په پوله پروت دى . افغان چارواکي وايي د پولې له هغې غاړې د دوى په وينا اورپکې ور اوړي او بريدونه کوي . | ورسره تړلي نور خبرونه  دکابل ځانمرگي بريد دوه تنه ووژل 28 جون, 2007 | خبرونه | |||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
