بي بي سي پښتو ويبپاڼه له کابله

	دغه ډله د يوې کړۍ په څير د نړۍ په ٣٥ هيوادونو کې فعاله وه او پر ماشومانو يې له جنسي زورزياتي څخه کار اخيسته .

دا ډله د يوې کړۍ په څير د نړۍ په ٣٥ هيوادونو کې فعاله وه او پر ماشومانو يې له جنسي زورزياتي څخه کار اخيسته .

دوى په اېنټرنيټ کې يو (( چيټ روم )) يا د خبرو خونه پرانيسته او بيا يې د ډلې فعاليت ته پرمختيا ورکړه .

دپلټونکو ادارو له ٧٠٠ تنو سره خبرې کړي چې ددغې ډلې غړي دي چې څه له پاسه ٢٠٠ تنه يې په برتانيا کې فعاليت کوي .

ددغې ډلې مشري يو ٢٨ کلن سړي ټموتي کاکس کوله چې اوس د پوليسو په قبضه کې دى اود نهه ورته پيښو مسوليت يې په غاړه اخيستى دى .

د انگلستان د اپسوېچ په سيمه کې محکمې نوموړي ته د سزا د اورولو پر وخت وويل چې د هغو ماشومانو له انځورونو سره مينه لري چې د جنسي تيري ښکار گرځيدلي وي .

ټموتي کاکس داسې ويبپاڼه چلوله چې له لارې يې هغو کسانو چې د ماشومانو پر جنسي ځورونه بوخت دي په اسانۍ کولى شول چې دځپل شو ماشومانو انځورونه يو بل ته وليږي .

نورو عامو خلکو هم ددې ويبپاڼې لارې دا کار کولى شو.

د نوموړي له کمپيوټر څخه د هغو ماشومانو ٧٥٠٠٠ انځورونه لاسته راغلي دي چې جنسي تيرى پرې شوى دى .

ښاغلي کاکس دا ومنله چې دغه ډول انځورونه يې ساتلي او نورو خلکو ته يې ليږلي وو .

قاضي ښاغلى کاکس د ټولنې لپاره ډير خطرناکه وباله اوويويل چې ددغه سړي له زورزياتي څخه د تولنې د خونديتوب لپاره نوموړى بايد په زندان کې وخت تير کړي .