د ماشومانو د ملاتړ نړيوال سازمان يونيسف په افغانستان کى د ماشومانو د عدلى تعقيب او جزايى مکلفيت په تړاوو د نوى قانو د پلى کيدو هرکلى کړيدى.

دغه قانون په روانه اونۍ کى په رسمى جريده کى خپور او په عمل کى نافذ شو.

د يونسف ادارى دا په دغه هيواد کى د ماشومانو او کمکيانو د حقونو د خونديتوب په لاره کى د پام وړ پرمختگ بولى.

په ټوله کى ددغه قانون تصويب ته د ماشومانو د حقونو د ملاتړ په برخه کى د دولت د هغو ذمه واريو د پوره کولو د يوى برخى په توگه کتل کيږى چى په همدى تړاوو يى د ملگرو ملتونو د کنوانسيون يا قرارداد په لاسليک سره په غاړه اخيستى دى .