دا د کمال بهزادى غوندې کسانو د زيار او هڅو نتيجه وه چې په بي بي سي کې يې د پښتو جنډه لوړه وساتله

کمال بهزادي د يوه زدکوونکي په توگه دلته په لندن کې اوسېده او د بي بي سي په پروگرامونو کې به يې ونډه اخيستله.

له لوگره تر لنده د کمال بهزادى سفر ډير پړاونه لري. نوموړى تردى وړاندې په کابل راډيو کې د تعليمي پروگرامونو مسول وو او په بي بي سي کې يې پخپله نږدې ٣٠ کلنه دوره کې د ورځنيو خپرونو تر څنگ يو شمېر ځانگړي پروگرامونه هم جوړ کړي چې په هغو کې يې د نشيي توکو او د افغانستان د تعليمي سيستم په اړه د ځانگړو پروگرامونو لړۍ د يادونې وړ دي.

د کمال بهزادي پوره مرکه ددې ځاى پر کېکاږلو سره اورېدلى شى

کمال بهزادي د خپلې خوږې خاطرې په هکله داسي وايې:

"زه او ملگري مې له چمن نه په يوه پيک اپ موټر کې کندهار ته روان وو. په دې موټر کې لس دوولس وسله وال مجاهدين هم ناست وو. په نيمه لار کې د لمانځه لپاره ايسار شو ، مجاهدين زما د دوست له خولې خبر شول چې زه کمال بهزادي يم . دوې کتار ودريدل او د "دا لندن دې " د ويلو وروسته يې په ډزو يي پيل کړ"

دا د کمال بهزادى غوندې کسانو د زيار او هڅو نتيجه وه چې په بي بي سي کې يې د پښتو جنډه لوړه وساتله.