پيټر گريسټي له بغداد څخه

	د جمعې په ورځ په عراق کې گنگوسې وې چې صدام حسين ښايي اعدام شوى وي

خو په ځايي وخت ماسپښين مهال د عراق د عدليې مرستيال وزير بي بي سي ته وويل چې محکوم شوى پخوانى ولسمشر لا هم له امريکاييانو سره دى .

د امريکا د دفاع په وزارت کې سرچينې وايي دوى په تمه دي چې ډير ژر به صدام حسين د عدليې وزارت ته سپاري ښايي دغه کار د شنبې د ورځې تر پايه وشي .

خو لا تر اوسه داسې تاييد شوي معلومات نشته چې کله به صدام حسين دار ته خوځيږي . د نړۍ له لروبره داسې غوښتنې هم شته چې صدام حسين دې نه اعداميږي .

د دۀ وکيلان هم وايي چې که امريکاييانو په جگړه کې نيول شوى زنداني د هغۀ غليم ته وسپارۀ نو دا به د جينيوا د کانوانسيون خلاف عمل وي .

خو لومړي وزير نوري المالکي ټينگار وکړ چې د اعدام حکم نه راگرځي . دۀ وويل که داسې وشي نو دا کار به د دۀ د قربانيانو عزت ته سپکاوى وي .

يوازينۍ پوښتنه اوس دا ده چې دغه کار به کله کيږي ښايي د دې پوښتنې ځواب تر هغو ونه مومو چې صدام حسين مړ شوى نه وي .