 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
کرزى پر ترهگرۍ له بوش او مشرف سره خبرې کوي | |||||||||||||||||||||||||||||||||||||||||||||||||||||||||||||||||||||||||||||||
د ترهگرۍ خلاف جگړې د توندولو په تړاوو د ولسمشرانو جورج بوش ، حامد کرزي او پرويز مشرف تر مينځ دغه پلان شوې ليدنه کتنه ددې څرگندويه ده چې افغانستان او پاکستان لا هم د دغې جگړې د پايلو په ټاکلو کې مهم ځاى لري . د دغې درې اړخيزې ليدنې کتنې لويه موخه هم د همدغه جگړې په تړاوو د افغانستان او پاکستان تر مينځ پر يو بل د نه باور د رامينځ ته شوې فضا پاى ته رسول ښودل کيږي . دا شاوخوا يوه اونۍ وړاندې کابل ته د سفر په مهال د ولسمشر مشرف هغه څرگندونې له شک سره مخامخ کوي چې ويل يې د افغانستان او پاکستان تر مينځ په دې وروستېو کې رامينځ ته شوې ستونزې اوس گواکې اوارې شوي دي . ها خوا د افغان ولسمشر وياند کريم رحيمي په کابل کې خبريالانو ته وويل چې د درې واړو مشرانو تر مينځ د کيدونکو خبرو اترو ټول جزيات لا تر اوسه نه دي څرگند خو دا يې روښانه کړه چې کيدى شي خبرې اترې تر ډيره په سيمه يزو مسايلو ، د افغانستان په امنيتي ستونزو او د ترهگرۍ خلاف جگړې د توندولو او پراخولو پر محور راټولې وي . (( په پام کې ده چې ولسمشر حامد کرزې د لوړو حکومتي چارواکو په ملتيا د ملگرو ملتونو د سازمان په عمومي غونډه کې د گډون لپاره نيويارک ته سفر وکړي .
ولسمشر پرويز مشرف هم د دوشنبې په ورځ په اسلام اباد کې خبريالانو ته وويل چې ولسمشر بوش دى او د ده افغان سيال دا ډول خبرو اترو ته وربللي دي . ښاغلي مشرف دا هم ويلي چې د امريکا د ولسمشر په حضور کې د ده او ولسمشر کرزي تر مينځه کيدونکې خبرې به خورا گټورې پايلې ولري. | ورسره تړلي نور خبرونه  مشرف : بوش زۀ او افغان مشر گډې غونډې ته بللي يوو11 سپتمبر, 2006 | خبرونه | |||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
