 | | | دافغانستان ولسمشر حامد کرزى |
افغان حکومتي چارواکو وويل چې ملا محمد گل د هلمندد جنوبي ولايت د لشکر گاه په سيمه کې د يکشنبې په هغه وخت د وسله والو کسانو له خواد توپک په ډزو ووزل شو چې په يو جومات کې د لمانځه نه وروسته خپل کور ته روان وو. يو بل ديني عالم ، مولوي نور احمد جان د کوڼړ په ختيځ ولايت کې په خپل کور کې د وسله والو کسانو له خوا ووژل شو. نوموړى د غازي آباد ولسوالۍ د ديني عالمانو دشورا مشر وو. ددې نه وړاندې د جمعې په ورځ د خوست په جنوبي ولايت کې هم يو ديني عالم ، ملا احمدخان وژل شوى وو. هغه پداسې حال کې ووژل شو چې په جومات کې ېې لمونځ کاوه او تر منبر لاندې يو پټ ايښودل شوى بم وچاوده. ديکشنبې په ورځ د هغه د جنازې له مراسمو نه وروسته په زرگونو کسانو د هغه د وژنې پرخلاف مظاهره وکړه او د قاتلانو د محاکمې غوښتنه ېې کوله . طالبو ياغيانو په وار وار دا خبردارى ورکړى وو چې هغه ديني عالمان به دخپلو بريدونو هدف وگرځوي چې د حامد کرزي دحکومت او په هيواد کې د بهرنيو ځواکونو د شته والي ملاتړ کوي
| 
دا پاڼه کوم ملگري ته ولېږئ
چاپي بڼه
