په داسې حال کې د ايټمي انرژۍ نړيواله اداره صبا بيړنۍ غونډه کوي.

د ايران لوړ ربته چاراکي وايي چې د اصفهان په ايټمې بټى کې يې کار پيل کړى دى خو په هغهو برخو کې يې لا کار نه دى پيل کړى چې د ايتمې انرجۍ نړيوالې ادارې تړلي دي.

ښايي اداره به ايران وهڅوي چې پر خپلې پريکړې بيا غور وکړي. د ايران د لوړې ملي امنيتې شوراوياند علي اغا محمدي وويل هغه سيمو ته يې لاس نه دى ور وړى چې نړيوالې ادارې تړلي دي خو په خلاصو برخو کې د يورنيو د اړلو کار پيل سوى دى.

ښاغلي اغامحمدي وويل چې د ادارې پلټونکو دپروسې د څارنې لپاره سامان الات ځاى پر ځاى کړي دي.

ايران خپله ايټمې تگلاره سخته کړې ده او له اروپايې اتحادې سره يې د ټکر لاره اخستې ده.

صبا په ويانه کې د ايټمي انرژۍ نړيواله اداره بيړنۍ غونډه کوي، که ډپلوماټانو هيله کوله چې ايران به د گواښ او يا قانعې کولو له لاري پريکړه بدلوته اړ ايستل شي ، نو دوى غلط ثابت شوي دي.

ايران خپله ايټمې تگلاره سخته کړې ده او له اروپايې اتحادې سره يې د ټکر لاره اخستې ده. اروپايې ټولنې ويلي که ايران د يورنيمو اړول پيل کړي نو د دوو کالو راهسې روانې خبرې اتري به پايى ته ورسيږي.