عکسونه: د ایران کلتوري ځایونه، چې ټرمپ یې د ویشتلو ګواښ کړی

د ایران د پوځي جنرال قاسم سلیماني تر وژنې وروسته، امریکايي ولسمشر ډونلډ ټرمپ ګواښ کړی چې د ایراني بریدونو په ځواب کې به د دغه هېواد مهم کلتوري ځایونه په نښه کړي.

په ایران کې سلګونه داسې ځایونه شته چې تاریخي ارزښت لري، تر سلو زیات یې له یونیسکو سره د نړیوال میراث په توګه ثبت شوي دي. د مهمو هغو له جملې موږ دلته د یو څو بېلګې راخیستې.

د نړۍ د غټو ښاري میدانونو له جملې یو د اصفهان ښار "نقش جهان مربع" ډوله میدان دی چې د ۱۷مې پېړۍ په لومړیو کې جوړ شوی.

په نقش جهان میدان کي امام جومات چې د ۱۹۷۹ کال انقلاب په ویاړ داسې نومول شوی. هغه په رنګینو قاشیانو پوښل شوی او له یونیسکو سره د نړیوال میراث په توګه ثبت دی.

ګلستان ماڼۍ په تهران کې د شاهي ودانیو مجموعه ده چې د ننه هم ډېره ښایسته ډیزان شوې او په ۱۹مه پېړۍ کې د قجار شاهي کورنۍ رسمي استوګنځی و.

پرسیپولیس د هاخامنشیانو امپراتورۍ پلازمېنه وه چې مخینه یې تر میلاد ۵۱۵ کاله مخ ته رسېږي. یونیسکو داځای په ۱۹۷۹ کال کې یو نړیوال میراث اعلان کړ.

دلته د هاخامنشیايي امپراتورۍ ستر داریوش ښيي. شاوخوا ۵۰۰ قبل مېلاد. د بهسیتون لیکنه د ډبري پر یوه غټ مخ په څو ژبو لیکل شوې. چې د کیونیفورم متن د تشریح کولو لپاره ډېر مهم و او د لیکنې یو له لومړنیو سیسمتومونو و.

"ارګ بام قلعه" د نړۍ یوه تر ټولو غټه خټینه ماڼۍ چې د ورېښمو پر لرغوني ختیځ- لوېدیځه لار جوړه وه.

هغه چې د ۲۰۰۳ کال په زلزله کې ډېره تاواني شوه اوس یې د بیا رغونې چارې روانې دي.

د ایران په زړه کې د ازادۍ څلی په اصل کې د ددغه هېواد وروستي باچا رضا شاه پهلوي د شاهي ایران د ۲۵۰۰ کاله ولمانځي.

د څلي نوم د ۱۹۷۹ کال تر انقلاب وروسته واړول شو چې رضا شاه یې له واکه لرې کړ. اوس دا ځای د اسلامي جمهوریت د غټو غونډو ځای دی.

د روح الله خمیني قبر د ایران د اسلامي جمهوریت بنسټګر حیات الله روح الله خمیني او کورنۍ زیارت دی چې د ایران ځیني نوري سیاسیون هم دلته ښخ دي. دا په عصري ایران کې یو مهم زیارت دی.

.