"د نړۍ ترټولو لرغونی هرم" په مصر کې دی که اندونیزیا کې؟

یوې مجلې چې په وروستیو کې یې د یوې څېړنې پایلې خپرې کړې ادعا کړې، چې په اندونیزیا کې تر ځمکې لاندې شوی یو تر ټولو لرغونی ودانیز جوړښت کېدای شي د نړۍ تر ټولو پخوانی هرم وي.

دمګړۍ د دې لوی ادعا په اړه څېړنې روانې دي.

د لرغون پېژندنې مجلې د اکټوبر په ۲۰مه یوه مقاله خپره کړې او دا حیرانوونکې ادعا په کې شوې ده، چې له تاریخ مخکې د جاوه غربي هرم د ۲۷ زره کلونو پخوانی هرم دی.

له هغه راهیسې یو شمېر لرغونپوهانو دغه ادعا تر پوښتنې لاندې راوستې ده.

ادعاګانې څه دي؟

د ساینس پوهانو یوه ډله د نویو څېړنو په پایله کې دې باور ته رسېدلې، چې د اندونیزیا ډېر نفوس لرونکي جزیرې جاوه کې د اورشیندي په یوه خاموشه هسکه باندې د ګونانګ پادانګ په نوم ودانیز جوړښت شته.

ګونانګ پادانګ د (روښنايي غر) په معنی ده.

د اندونیزیا د ملي څېړنې او نوښت انسټیټیوټ (برین) ساینسپوهان ګمان کوي، چې دا جوړښت کېدای شي بریتانیا کې د استون هنج او په مصر کې د لوی هرم جیزه چې هر یو ۵۰۰۰ لکن تاریخ لري پرتله ډېر لرغونی دی.

دوی په دې باور دي، چې یاد ودانیز جوړښت په نړۍ کې تر ټولو مخکینی یوګونی جوړښت دی.

یوګونی جوړښت هغو ودانیزو جوړښتونو ته ویل کېږي، چې په رغونه کې یې یو ډول ودانیز مواد کارول شوي وي.

دوی په دې سیمه کې د ۲۰۱۱ او ۲۰۱۵ ترمنځ ترسره شوې څېړنې وروسته دې پایلې ته رسېدلي، چې د دې جوړښت د جوړولو مهال تقریبا په لاندې ډول دی:

یو ډلبندي شوی یا پټ لرونکی هرم

دیني پروفیسور هیلمن ناتاویجاجا چې د اندونیزیا د برین انستیټوت یو ځمک‌پېژندونکی دی وايي، ګونانګ پادانګ یوه طبیعي غونډۍ نه ده، بلکې یو جوړښت یا شکل دی چې په پټ ډول جوړ شوی دی.

هغه او د هغه ټیم د دې غونډۍ له ژورو ژورو څخه د خاورې څو نمونې اخیستې، چې د طبیعي موادو د غلظت له کبله پرې پوره باور لري.

دې باور نورو ته دا قناعت ورکړی چې ګونانګ پاډانګ یو هرم دی.