د روڼتیا نړیوال سازمان: ۲۰۲۲ کې افغانستان له فساد سره مبارزه کې تر پخوا ښه و
د عکس سرچینه، Getty Images
- Author, سید ولي ناصر
- دنده, بي بي سي
د روڼتیا نړیوال سازمان وايي، د طالبانو تر حاکمیت لاندې افغانستان په ۲۰۲۲ کال کې له فساد سره مبارزه کې تر پخوا ښه شوی . د دغه سازمان د ۲۰۲۲ کال اړوند راپور کې راغلي، د ۱۸۰ هېوادونو په ډله کې افغانستان د شفافیت له اړخه ۱۵۰ ځای خپل کړی دی.
د همدې سازمان د ۲۰۲۱ کال د راپور له مخې، افغانستان د نړۍ د ۱۸۰ هېوادونو په ډله کې له فساد سره د مبارزې له اړخه ۱۷۴ یم هېواد و.
د رونټیا نړیوال سازمان د ۲۰۲۲ کال لپاره پخپل تازه راپور کې، چې تېره ورځ خپور شوی، د نړۍ په ۱۸۰ هېوادونو کې د اداري فساد کچه او د مخنیوي لپاره یې د حکومتونو هلې ځلې ارزولي دي.
د دغه سازمان په راپور کې راغلي، د طالبانو تر حاکمیت لاندې افغانستان له فساد سره مبارزه کې د شفافیت ۲۴ امتیازونه خپل کړي چې پر همدې اساس د ۱۸۰ هېوادونو په ډله کې یې ۱۵۰ ام ځای خپل کړی دی.
د روڼتیا نړویوال سازمان هر کال د خپلې اروزنې پر بنسټ په دې لېست کې شاملو هېوادونو ته له صفر څخه تر سلو نومرې ورکوياو هر هېواد چې څومره لوړې نومرې تر لاسه کړي، په هماغه کچه د شفافیت له اړخه په ښه ځایځایګي کې دی.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
یعنې افغانستان که په ۲۰۲۲ کال کې د نوملړ د پیل له لوري د ۱۸۰ هېوادونو په ډله کې ۱۵۰ام شفاف هېواد دی، خو د نوملړ د پای له لوري بیا هم۳۰ام په فساد ککړ هېواد دی.
د همدغه سازمان د ۲۰۲۱ کال راپور له مخې، افغانستان د ۱۶ امتیازونو په ترلاسه کولو سره د یادو هېوادونو په منځ ۱۷۴ یم ځای خپل کړی و چې پر فساد د ککړو هېوادونو په ډله کې یې شپږم ځای درلود.
په ۲۰۱۷ او ۲۰۱۶مو کلونو کې یې د اداري فساد له کبله تر سومالیا، سویلي سوډان او سوریې وروسته څلورم ځای لاره او په ۲۰۱۵ کال یې بیا درېیم ځای خپل کړی و.
د عکس سرچینه، Getty Images
د رونټیا د نړیوال سازمان د راپور له مخې، د افغانستان ګاونډي هېواد پاکستان د ۲۷ نومرو په تر لاسه کولو ۱۴۰ ام ځای خپل کړی او بل ګاونډي ایران یې بیا د ۲۵ نومرو په ترلاسه کولو۱۴۷ ام ځای خپل کړی دی.
د شفافیت نړیوال سازمان د سږني راپور په اساس ډنمارک د ۹۰ نومرو په تر لاسه کولو د یاد نوملړ په سر کې ځای لري.
فنلېنډ او نیوزیلېنډ د ۸۷ نومرو په ترلاسه کولو دویم او درېیم او همدارنګه سومالیا د ۱۲ نومرو په ترلاسه کولو ۱۸۰یم ځای خپل کړی دی.
د یادولو ده چې تېره اونۍ نړیوال بانک هم تېر ۲۰۲۲ کال افغانستان لپاره په مالي او اقتصادي برخو کې نسبتآ ښه ارزولی و.
دغه بانک خپل تازه رپوټ کې چې د جنورۍ پر ۲۵مه خپور شوی و، ویلي تېر کال د افغانستان له صادراتو رانیولې، د انفلاسیون یا د توکو د بیو تر کنټرول، د افغانیو د ارزښت تر ساتل کېدو او همدا راز د عوایدو تر راټولو پورې بېلابېلو برخو کې ښه والی لیدل شوی دی.
