سویډن کې له تمځای سره د بس ټکر پېښه کې درې تنه وژل شوي
د عکس سرچینه، EPA
د سویډن سټاکهولم په مرکزي برخه کې یو بس له تمځای سره جنګېدلی چې له کبله یې درې تنه وژل شوي او درې نور ټپیان دي.
پولیس وايي، پېښه د جمعې په ورځ په ځايي وخت ۱۵:۲۳ بجو د پلازمېنې په والهاولاوېګن سړک کې رامنځته شوه.
پولیسو په یوه خبرپاڼه کې ویلي، بس چلوونکی نیول شوی او د مرګ او بدني زیان د لامل کېدو په تور تورن شوی دی.
خو هغوی زیاته کړه چې "اوس مهال داسې کومه نښه نشته چې دا پېښه قصدي وه".
چارواکي هڅه کوي چې د قربانیانو هویتونه معلوم کړي. دا هم روښانه نه ده چې په بس کې مسافر موجود وو که نه.
پېښه د ټېکنالوژۍ د شاهي انستیتوت پوهنتون ته نژدې شوې ده.
د پېښې له ځایه خپاره شوي انځورونه ښيي چې ژغورنډلې د دوو پوړیز بس لاندې د بندو پاتې کسانو د ژغورلو هڅه کوي.
یوه عیني شاهد چې په همدې سړک دوکان لري، SVT ته ویلي چې بس د بس تمځي مخې ته په یوه ستنه لګېدلی. ده ویلي چې څو کسان په ژړا ژړا دوکان ته راننوتل.
یوې مېرمنې د "اکسپریسن" محلي ورځپاڼې ته ویلي چې بس "د بس تمځي ټول کتار وهلی دی".
هغې ویلي خلکو چیغې وهلې او د ټپیانو د مرستې هڅه یې کوله، په داسې حال کې چې یو شمېر مړي پر ځمکه پراته وو.
هغې زیاته کړه: "ښايي د بس لاندې نور کسان هم وي".
د لومړي وزیر اولف کرېسترشون په وينا، د پېښې له قربانیانو او د هغوی له کورنیو سره خپله غمشریکي شریکوي.
هغه پر اېسک لیکلي: "هغه خلک چې ښايي د کور، ملګرو یا یو ارام ماښام پر لور روان وو. موږ ته لا د پېښې علت نه دی معلوم شوی، خو دا مهال زما فکر تر ټولو ډېر د اغېزمنو شویو کسانو او د هغوی له کورنیو سره دی».
هغه په ایکس کې پوسټ وکړ: "هغه خلک چې ممکن د خپلو کورنو، ملګرو، یا په کور کې د یو ارام ماښام لپاره کورونو ته روان وي. موږ لا تر اوسه د پېښې په لامل نه یو خبر، خو اوس مهال زه د اغېزمنو شویو کورنیو سره غمشريکي شریکوم".
