ويل کيږي چې په نړۍ کې پر سرو زرو د ليکل شوي قران شريف دا تر گردو لرغونى ټوک دى.

د لندن په يو نوماند نندارتون Crests action houseکې پر سرو زرو ليکل شوى قران کريم پريولس سوه او څلويښت زره پونډه د برتانيا پر سوداگرو وپلورل شو.

ويل کيږي چې په نړۍ کې پر سرو زرو د ليکل شوي قران شريف دا تر گردو لرغونى ټوک دى.

د نندارتون چارواکو ويلي دي چې دغه قران په کال ١٢٠٣ زيږدي کې ليکل شوى دى.
دمسلمانانودسپيڅلي کتاب دغه ټوک دسرو ترڅنگ په څنډو کې د سپينو زرو ليکنې هم لري.

Crests action house پتيلې وه چې د قران شريف دا گڼه به له ٥٠٠٠٠٠ څخه تر٧٥٠٠٠٠ پونډو وپلورل شي.

خو وروستي داوطلب په نړۍ کې د قران کريم ددغسې گڼو او اسلامي نسخو د پلور گرد ريکارډ مات کړ.

د قران کريم يوه بله نژدې بشپړه ټوک چې ويل کيږي د لسمې پيړۍ سره تړاو لري پر نهه سوه او شپاړس زره پونډو د همدې سوداگرو لاس ته ورغله.

د قران شريف دغه دواړه ټوکه Crests action house نندارتون ديوې امريکايي ټولنې له خوا وپلورل.