 | | | | | | | |||||||||||||||||||||||||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||||||||||||||||||||||||
|
په ارزگان کې ځانمرگي بريد گڼ کسان وژلي | ||||||||||||||||||||||||||||||||||||||||||||||||||||||||||||||||||||||||||||
په ارزگان ولايت کې سيمه ييز چارواکي وايي يوۀ ځانمرگي بريد کوونکي شاوخوا شل کسان وژلي. ناټو ځواکونو هم په يوه خبرپاڼه کې ويلي چې تر ١٢ زيات ولسي خلک په بريد کې وژل شوي او د دوى د اتو تنو سرتېرو په گډون ١٣ تنه ټپيان شوي. د ارزگان د پوليسو مشر محمد قاسم بي بي سي ته وويل يوۀ سړي د دهراوت ولسوالۍ په بازار کې د خلکو په منځ کې ځان چوولى او نژدې ٢٠ ولسي خلک يې وژلي. دۀ وويل گڼ شمېر نور خلک د نن (سه شنبه) ماسپښين په بريد کې ټپيان شوي هم دي. د پوليسو مشر زياته کړه چې بريدکوونکى چې د دهراوت په بازار کې پلى روان و هغه مهال ځان والوزاوه چې د ناټو ځواکونو يو پوځي کاروان ته ورژدې شو. د ناټو ځواکونو يوه خبرپاڼه وايي دا يوه موټر چاودنه وه چې تر ١٢ زيات لارويان يې ووژل او ١٣ تنه نور يې ټپيان کړل. خبرپاڼه زياتوي چې د دوى اته تنه سرتېري هم په ټپيانو کې دي. د ټپي شويو سرتيرو هويت نه دى په ډاګه شوى، خوپه ارزګان كې مېشت د ناټو ځواکونه د هالنډ، ډنمارك او استراليا دي. د تلفاتو شمېره ځکه لوړه ښوول کېږي چې چاودنه د دهراوت بازار په منځ کې د خلکو د گڼې گوڼې پرمها شوې. سيمه ييزو چارواکو د بريد پړه پر وسله والو طالبانو اچولې چې نژدې د ټولو دا ډول بريدونو پړه پرغاړه اخلي. ارزگان دافغانستان په سويل کې يو له نارامو ولايتونو څخه دى چې د وسله والو طالبانو او بهرنيو ځواکونو تر منځ پکې د شخړو خبرونو وخت پر وخت ورکول کېږي. | |||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||
عثماني: ځينې چارواکي فساد ته لمن وهي
